တိုင်းရင်းသားလက်နက်ကိုင် အဖွဲ့များနှင့် ဆပ်စပ်သူ ၁၁၄ ဦး၏ အမှုများကို ပိတ်သိမ်းကြောင်း ကြေညာ

တရားရုံး အသီးသီး၌ တရားစွဲဆိုထားဆဲ ဖြစ်သော တိုင်းရင်းသား လက်နက်ကိုင် အဖွဲ့အစည်းများ၏ အဖွဲ့ဝင်များနှင့် ဆက်စပ် ပါဝင်သူ ၁၁၄ ဦးတို့အား အမှု ပိတ်သိမ်းရန် အမိန့်ကို ယနေ့ အောက်တိုဘာလ ၁၅ ရက်တွင် စစ်ကောင်စီက MRTV မှ တဆင့် ကြေညာခဲ့သည်။

.

NCA လက်မှတ်ရေးထိုးခြင်း ၆ နှစ်မြောက် နှစ်ပတ်လည်နေ့ကို ဂုဏ်ပြုသောအားဖြင့် ငြိမ်းချမ်းရေးကို ရှေးရှုကာ ထုတ်ပြန်ခြင်း ဖြစ်ကြောင်းနှင့် ပြစ်မှုဆိုင်ရာ အမှု အားလုံးကို ပိတ်သိမ်း၍ တရားခံများအား အမှုမှ လွှတ်ရမည်ဟု ယင်းအမိန့်တွင် ဖော်ပြပါရှိသည်။

.

အဆိုပါ အမှု ပိတ်သိမ်းခဲ့သူ ၁၁၄ ဦးမှာ AA မှ ၆၁ ဦး၊ KIA မှ ၂၃ ဦး၊ KNU/KNLA(PC)မှ ၁ ဦး၊ MNDAA မှ ၁ ဦး၊ RCSS/SSA မှ ၁၂ ဦး၊ SSPP/SSA မှ ၅ ဦး၊ TNLA မှ ၁၁ ဦး တို့ ဖြစ်ကြောင်း သိရသည်။

.

ဖမ်းဆီး ထိန်းသိမ်းခံထားရသူများ အားလုံးနှင့် ပြည်သူလူထုများအား ခြွင်းချက်မရှိ လွှတ်ပေးပြီး လက်ရှိ နိုင်ငံရေး အကျပ်အတည်းကို ငြိမ်းချမ်းသော နည်းဖြင့် တွေ့ဆုံ ဆွေးနွေး ညှိနှိုင်းဖြေရှင်းကြရန် အဖွဲ့အစည်း အားလုံးကို NCA-S EAO များက ယနေ့ နံနက် အစောပိုင်းတွင် တိုက်တွန်းထားသည်။