မိုင်းကိုင်မြို့နယ်တွင် လက်နက်ကြီးကျည် ကျရောက် ပေါက်ကွဲမှုကြောင့် ဒဏ်ရာ ရသူများအနက် အမျိုးသား တစ်ဦး သေဆုံး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုင်းကိုင်မြို့နယ်တွင် လက်နက်ကြီးကျည် ကျရောက် ပေါက်ကွဲမှုကြောင့် ဒဏ်ရာ ရသူများအနက် အမျိုးသား တစ်ဦး သေဆုံး

လွိုင်လင်ခရိုင်၊ မိုင်းကိုင်မြို့နယ်၊ ပန်ကေတုကျေးရွာအုပ်စု၊ ကုံးပေါင်းကျေးရွာတွင် လက်နက်ကြီးကျည် ကျရောက် ပေါက်ကွဲမှုကြောင့် ဒဏ်ရာ ရခဲ့သူများအနက် အမျိုးသား တစ်ဦးသည် ယနေ့ အောက်တိုဘာလ ၅ ရက်၊ နံနက်ပိုင်းတွင် သေဆုံးသွားကြောင်း သိရသည်။

.
ယမန်နေ့ အောက်တိုဘာလ ၄ ရက်၊ ညနေပိုင်းက ကျေးရွာအတွင်း ကျရောက် ပေါက်ကွဲသည့် လက်နက်ကြီးကြောင့် မိသားစုဝင် ၄ ဦး ထိခိုက်ဒဏ်ရာ ရရှိကာ ဆေးရုံ၌ ဆေးကုသမှု ခံယူနေစဉ် ယင်း အမျိုးသားမှာ သေဆုံးသွားခြင်း ဖြစ်ကြောင်း သိရသည်။
.
အဆိုပါ သေဆုံးသူမှာ အသက် ၃၀ အရွယ် အမျိုးသား ဖြစ်ပြီး ရင်ဘတ်တွင် ကျည်ထိမှန်‌သော ဒဏ်ရာဖြင့်ပင် သေဆုံးရခြင်း ဖြစ်သည်။
.
ရှမ်းတိုင်းရင်းသား လက်နက်ကိုင် အဖွဲ့အချင်းချင်း ဖြစ်ပွားနေသည့် တိုက်ပွဲကြောင့် မိုင်းကိုင်မြို့နယ်၊ ပန်ကေတုကျေးရွာ ကုန်းစုံဘုန်းတော်ကြီးကျောင်း၌ စစ်ရှောင်ပြည်သူ ၃၀၀၀ ဦးခန့် တိမ်းရှောင်နေရကာ နေထိုင်ရေးအတွက် အခက်အခဲ ဖြစ်ပေါ်နေရကြောင်း သိရသည်။

Journal Download

Photo of three cats