မူဆယ်မြို့နယ်တွင် အောက်တိုဘာလ ၃ ရက်၊ ည ၇ နာရီခွဲ့ခန့်က ပစ်ခတ်မှု ဖြစ်ပွားခဲ့ပြီး ရဲအရာရှိ တစ်ဦး သေနတ်ကျည် ထိမှန်၍ သေဆုံးခဲ့ကြောင်း သိရသည်။
.
ကျင်စန်းကျော့ - ဝမ်တိန်ဂိတ်သွား လမ်းပေါ်ရှိ ကောင်းခန့်ရွာအထက် ဆီဆိုင်အနီးတွင် စစ်ကောင်စီ တပ်ဖွဲ့နှင့် အမည်မသိ လက်နက်ကိုင်အဖွဲ့တို့အကြား နာရီဝက်ခန့် အကြာ ပစ်ခတ်မှု ဖြစ်ပွားစဥ် ရဲအုပ် တစ်ဦး ကျည်ထိမှန် သေဆုံးခြင်း ဖြစ်ကြောင်း သိရသည်။
.
ထို့အပြင် ပစ်ခတ်မှု ဖြစ်ပွားရာ အနီးဝန်းကျင်ရှိ နေအိမ်များ၊ ဈေးဆိုင်များတွင် ကျည်ထိမှန်မှု ဖြစ်ပေါ်ခဲ့သည်ဟုလည်း သိရသည်။
.
အဆိုပါ ပစ်ခတ်မှု ဖြစ်စဉ်နှင့် ပတ်သက်၍ ရှမ်းပြည်နယ်ဒုရဲတပ်ဖွဲ့မှူးရုံး (လားရှိုး)နှင့် မူဆယ်ခရိုင်ရဲတပ်ဖွဲ့မှူးရုံးသို့ ဆက်သွယ် မေးမြန်းရာတွင် ဖုန်း လက်ခံ ဖြေဆိုခြင်း မရှိပေ။
