အာဆီယံထိပ်သီး အစည်းအဝေး စတင်ကျင်းပ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

အာဆီယံထိပ်သီး အစည်းအဝေး စတင်ကျင်းပ

မြန်မာစစ်‌ကောင်စီ တက်ရောက်ခွင့် မရသည့်  (၃၈) ကြိမ်မြောက် အာဆီယံ ထိပ်သီးအစည်းအဝေးကို ယနေ့ အောက်တိုဘာလ ၂၆ ရက် နံနက်ပိုင်းတွင် video conferencing စနစ်ဖြင့် စတင် ကျင်းပနေပြီ ဖြစ်‌ကြောင်း သိရသည်။

.
အဆိုပါ အစည်းအဝေးကို မြန်မာနိုင်ငံကိုယ်စားပြုအနေဖြင့် နိုင်ငံခြားရေးဝန်ကြီးဌာနမှ အမြဲတမ်း အတွင်းဝန်ကိုသာ ဖိတ်ကြားခဲ့သဖြင့် နိုင်ငံ့အကြီးအကဲ သို့မဟုတ် အစိုးရအဖွဲ့ အကြီးအကဲ တစ်ဦးဦးကို  ဖိတ်ကြားမှသာ အစည်းအဝေးကို လက်ခံ တက်ရောက်နိုင်မည်ဟု စစ်ကောင်စီက အောက်တိုဘာလ ၂၅ ရက်တွင် သတင်းထုတ်ပြန်ခဲ့သည်။
.
ထို့အတူ အစည်းအဝေးသို့ အမျိုးသားညီညွတ်ရေးအစိုးရ (NUG) ဘက်မှလည်း တက်ရောက်သည်ကို မတွေ့ရသော်လည်း NUG ၏ ယာယီသမ္မတ၊ နိုင်ငံခြားရေးဝန်ကြီးတို့နှင့် အမေရိကန် အမျိုးသားလုံခြုံရေး အကြံပေးတို့ အာဆီယံထိပ်သီး အစည်းအဝေး မတိုင်မီ တွေ့ဆုံ ဆွေးနွေးခဲ့ကြောင်း NUG က အောက်တိုဘာလ ၂၅ ရက်၊ ညပိုင်းတွင် သတင်းထုတ်ပြန်ထားသည်။
.
အာဆီယံ သဘောတူညီချက် ၅ ချက် အပါအဝင် စစ်ကောင်စီ၏ တာဝန်ယူ တာဝန်ခံမှု နှင့် ပတ်သက်၍ ထိရောက်စွာ ဆောင်ရွက်နိုင်ရေးနှင့် မြန်မာနိုင်ငံ စစ်အာဏာသိမ်းမှု နောက်ဆက်တွဲ အကြမ်းဖက် ဖမ်းဆီးမှုများ ၊ လူသားခြင်း စာနာထောက်ထားရေး အကူအညီများ ၊ ဒေသတွင်း နိုင်ငံများနှင့် ပူးပေါင်း ဆောင်ရွက်နိုင်ရန် ကိစ္စရပ်များကို ဆွေးနွေးခဲ့ကြသည်ဟု NUG ၏ ထုတ်ပြန်ချက်၌ ဖော်ပြထားသည်။
.
[Photo - Vietnamplu, newsdirectory3]

Journal Download

Photo of three cats