မိုင်းကိုင်မြို့နယ်တွင် မော်တော်ယာဉ် တစ်စီး ဗုံးဖြင့် အပစ်ခံရသဖြင့် အမျိုးသား တစ်ဦး ဒဏ်ရာရ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုင်းကိုင်မြို့နယ်တွင် မော်တော်ယာဉ် တစ်စီး ဗုံးဖြင့် အပစ်ခံရသဖြင့် အမျိုးသား တစ်ဦး ဒဏ်ရာရ

မိုင်းကိုင်မြို့နယ်တွင် ယနေ့ အောက်တိုဘာလ ၁၇ ရက်၊ နံနက်ပိုင်းက မော်တော်ယာဉ် တစ်စီး ဗုံးဖြင့် အပစ်ခံရပြီး အမျိုးသား တစ်ဦး ထိခိုက်ဒဏ်ရာများ ရခဲ့ကြောင်း သိရသည်။

.

ဟမ်းငိုင်းကျေးရွာ၌ လှူဖွယ်ပစ္စည်းများ ဝယ်ယူပြီး အပြန်ခရီးသို့ မောင်းနှင်လာသော မော်တော်ယာဉ်သည် နောင်တောင်းရွာ အနီး လမ်း‌ပေါ်တွင် ဗုံးဖြင့် အပစ်ခံရခြင်း ဖြစ်သည်ဟု မိုင်းကိုင်မြို့ သံဃာ့ ဩဝါဒခံ နာရေးကူညီမှုအသင်းက ယနေ့ နေ့လယ်ပိုင်းတွင် ထုတ်ပြန်ထားခြင်း ဖြစ်သည်။

.


ယင်းကဲ့သို့ ဗုံးနှင့် အပစ်ခံရသည့် မော်တော်ယာဉ်ပေါ်တွင် လူ ၅ ဦး လိုက်ပါ စီးနင်းလာခြင်း ဖြစ်ကာ ယင်းတို့အနက် အသက် ၅၀ ဝန်းကျင်ခန့် ရှိ အမျိုးသားတွင် ထိခိုက်ဒဏ်ရာများ ရခဲ့သဖြင့် မိုင်းကိုင်ဆေးရုံသို့ နာရေးကူညီမှုအသင်းက ပို့ဆောင်ပေးခဲ့ကြောင်း သိရသည်။

.

“ ကျနော် ကြားမိသလောက် သူတို့က ကိုယ်ပိုင်ကားနဲ့ ဟမ်းငိုင်းစျေးသွားကြပြီး အပြန်မှာ RCSS က လူမှားပြီး ပစ်လိုက်တယ်။ သူတို့ကားအနောက်မှာ SSPP ကားလိုက်လာတယ်။ ဟမ်းငိုင်းအကျော်မှာ လမ်းက နှစ်ခုရှိတယ်။ အပေါ်လမ်းနဲ့ အောက်လမ်းရှိတယ်။ ပစ်ခံရတဲ့ ရွာသားတွေက အောက်လမ်းသွားတယ်။ SSPP ကားက အပေါ်လမ်းကသွားတယ်” ဟု နောင်တောင်းရွာခံတစ်ဦးက ရွှေဖီမြေသတင်း‌အေဂျင်စီသို့ ပြောဆိုထားသည်။

.

မိုင်းကိုင်မြို့နယ်၌ တိုင်းရင်းသား လက်နက်ကိုင် အဖွဲ့ အချင်းချင်း ဖြစ်ပွား‌သည့် တိုက်ပွဲကြောင့် ဒေသခံ ၄၀၀၀ ကျော်ခန့် ရှိနေကြောင်း သိရသည်။

Journal Download

Photo of three cats