ကျောက်မဲမြို့နယ်၊ ဟူးကွက်ကျေးရွာ၌ RCSS နှင့် SSPP၊ TNLA တပ်ပေါင်းစုတို့၏ ယနေ့ စက်တင်ဘာ ၂၅ ရက်၊ နံနက်ပိုင်းတွင် ဖြစ်ပွားခဲ့သည့် တိုက်ပွဲကြောင့် ရွာ ဘုန်းကြီးကျောင်း ထိမှန် ပျက်ဆီးမှု ဖြစ်ခဲ့ကာ သံဃာများလည်း ထိခိုက်ဒဏ်ရာ ရရှိခဲ့ကြောင်း သိရသည်။
.
ဟူးကွက်ကျေးရွာ ဘုန်းတော်ကြီးကျောင်းအား လက်နက်ကြီး/လက်နက်ငယ် ကျည်များ ထိမှန်၍ ပျက်စီးခဲ့ရခြင်း ဖြစ်ပြီး ကျောင်းရှိ သံဃာတော် ၂ ပါးမှာလည်း ထိခိုက်ဒဏ်ရာအချို့ ရခဲ့သည်ဟု ရွှေဖီမြေ၏ ဖော်ပြချက်အရ သိရသည်။
ထို့အတူ တိုက်ပွဲကြောင့် ဒေသခံပြည်သူများ၏ နေအိမ်များလည်း မီးလောင်ပျက်ဆီးမှု ဖြစ်ပေါ်ခဲ့ကြောင်း သိရသည်။
.
RCSS နှင့် SSPP၊ TNLA တပ်ပေါင်းစုတို့၏ ယခုနှစ်၊ ဇွန်လ လဆန်းပိုင်းက စတင်ခဲ့သည့် တိုက်ပွဲကြောင့် ကျောက်မဲမြို့နယ်ရှိ ဒေသခံပြည်သူ ၁၅၀၀ ဦးကျော်ခန့်သည် နေရပ်စွန့်ခွာ၍ စစ်ဘေးရှောင် နေကြရသည်။
