ဖမ်းဆီးထိန်းသိမ်းထားသူများ အားလုံးကို လွှတ်ပေးပြီး နိုင်ငံရေး မတူညီမှုအား ဆွေးနွေး အဖြေရှာရန် PPST ဦးဆောင်မှု အလုပ်အဖွဲ့ ချမှတ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ဖမ်းဆီးထိန်းသိမ်းထားသူများ အားလုံးကို လွှတ်ပေးပြီး နိုင်ငံရေး မတူညီမှုအား ဆွေးနွေး အဖြေရှာရန် PPST ဦးဆောင်မှု အလုပ်အဖွဲ့ ချမှတ်

စစ်အာဏာသိမ်းယူပြီး နောက်ပိုင်း ဖမ်းဆီးထိန်းသိမ်းထားသော နိုင်ငံရေးခေါင်းဆောင်များ အပါအဝင် ပုဂ္ဂိုလ်များ အားလုံးကို ခြွင်းချက် မရှိ အမြန်ဆုံး လွှတ်ပေးပြီး နိုင်ငံရေး မတူညီမှုအား အမြန်ဆုံး ဆွေးနွေး အဖြေရှာသွားရန် ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) အစည်းအဝေးတွင် ဦးဆောင်မှု အလုပ်အဖွဲ့က ချမှတ်ခဲ့ကြောင်း သိရသည်။

.
အဆိုပါ အစည်းအဝေး အပြီး ဦးဆောင်မှု အလုပ်အဖွဲ့ ခေါင်းဆောင် နိုင်အောင်မင်း ကိုယ်စား အဖွဲ့ဝင် ဗိုလ်မှူးကြီး စိုင်းငင်းက နိဂုံးချုပ် အမှာစကား ပြောဆိုမှု အနက် လက်ရှိနိုင်ငံရေး အကြပ်အတည်းအား ဖြေရှင်းနိုင်ရန်အတွက် ချမှတ်ခဲ့သည့် နိုင်ငံရေးရည်မှန်းချက် ၇ ရပ်အား ပြောဆိုရာတွင် ယင်းကဲ့သို့ ထည့်သွင်း ပြောဆိုခဲ့ခြင်း ဖြစ်သည်။
.
ဗိုလ်မှူးကြီး စိုင်းငင်း၏ နိဂုံးချုပ် အမှာစကားတွင် အမျိုးသားညီညွတ်ရေးအစိုးရ (NUG) က ထုတ်ပြန်သည့် အရေးပေါ်အခြေအနေ ကြေညာခြင်းနှင့် ပတ်သက်၍ ထူးခြားသည့် အခြေအနေမှာ နိုင်ငံရေး တောင်းဆိုချက်အရ NUG ၏ နိုင်ငံရေး ကြိုးပမ်းမှု တစ်ရပ် ဖြစ်သည်ဟု PPST က ရှုမြင်ကြောင်းလည်း ပါရှိသည်။
.
တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) ကို လက်မှတ်ရေးထိုးထားသော တိုင်းရင်းသားလက်နက်ကိုင်တော်လှန်ရေး အဖွဲ့အစည်းများ (NCA-S EAO)၏ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) အစည်းအဝေး (၁၉/၂၀၂၁)ကို စက်တင်ဘာလ ၇ ရက်မှ ၉ ရက်ထိ Video Conferencing ဖြင့် ပြုလုပ်ခဲ့ခြင်း ဖြစ်သည်။
.
#KBZTai  #Shan  #PPST  #9Sep2021

Journal Download

Photo of three cats