ဧရာဝတီဘဏ် ငွေသယ်ယာဉ်အား ဓါးပြတိုက်သူများကို ဖမ်းမိကြောင်း ထုတ်ပြန် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ဧရာဝတီဘဏ် ငွေသယ်ယာဉ်အား ဓါးပြတိုက်သူများကို ဖမ်းမိကြောင်း ထုတ်ပြန်

 


ပဲခူးတိုင်းဒေသကြီး၊ ဘူလယ်အင်း ကျေးရွာ အနီး၌ ဧရာဝတီဘဏ်၏ ငွေသယ်ဆောင်လာသည့် ယာဉ်ကို လူတစ်စုက ယာဉ်ထိန်းရဲ၊ ရဲတပ်ဖွဲ့ဝင်များ အယောင်ဆောင်ကာ ဓါးပြတိုက်ယူမှု စက်တင်ဘာလ ၁၃ ရက်က ဖြစ်ပွားခဲ့ပြီး ယင်း ဓါးပြ တိုက်သူများကို ဖမ်းမိပြီး ငွေများအား ပြန်သိမ်းနိုင်ကြောင်း စစ်ကောင်စီက ယနေ့တွင် ထုတ်ပြန်ခဲ့သည်။

.

ဧရာဝတီဘဏ်ရုံးချုပ် ဝန်ထမ်းများ ငွေ သယ်ဆောင်လာသည့် မော်တော်ယာဉ်ကို ယာဉ်ထိန်းရဲဝတ်စုံ၊ ရဲတပ်ဖွဲ့ဝင် ဝတ်စုံ ဝတ်ဆင်ထားသူ လူ ၇ ဦးက တားဆီးခဲ့ပြီး ယာဉ်ပေါ်ပါ ငွေကျပ် သိန်း ၄၀၀၀၀ ခန့်ကို ယူဆောင်သွားခြင်း ဖြစ်ပြီး ဘဏ်၏ သတင်းပေး အကြောင်းကြားမှုကြောင့် စုံးစမ်း စစ်ဆေးပြီးနောက် ဓါးပြတိုက်သူများကို ပဲခူးမြို့အတွင်း ဖမ်းမိခဲ့ပြီး ယူဆောင်သွား‌သော ငွေများနှင့်အတူ အသုံးပြုခဲ့‌သော လက်နက်များကို ဖမ်းမိခဲ့‌ကြောင်း ထုတ်ပြန်လာခြင်း ဖြစ်သည်။

.

ယင်း ဓါးပြတိုက်မှုတွင် အမျိုးသား ၃ ဦး အမျိုးသမီး ၄ ဦး ပါဝင်ပြီး အမျိုးသမီးများ အနက် ၂ ဦးမှာ ဓါးပြ တိုက်ရာတွင် အသုံးပြုသည့် လက်နက်များကို သိမ်းဆည်းပေးထားသည့် သီလရှင်များ ဖြစ်ကြောင်း ထုတ်ပြန်ချက်တွင် ပါရှိသည်။

.

ဖမ်းဆီးမိသူများကို ဥပဒေအရ ထိရောက်စွာ အရေးယူနိုင်ရေး ဆောင်ရွက်မည် ဖြစ်ပြီး လွတ်မြောက်နေသူများကိုလည်း အမြန် ဖမ်းမိရေး ကြိုးပမ်းနေသည်ဟု ထုတ်ပြန်ထားသည်။

Journal Download

Photo of three cats