မူဆယ်မြို့တွင် ကျပ်သိန်း ၃၀၀၀ ကျော်တန်ဖိုးရှိ စိတ်ကြွရူးသွပ်ဆေးများ ဖမ်းမိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မူဆယ်မြို့တွင် ကျပ်သိန်း ၃၀၀၀ ကျော်တန်ဖိုးရှိ စိတ်ကြွရူးသွပ်ဆေးများ ဖမ်းမိ

မူဆယ်မြို့တွင် ငွေကျပ်သိန်း ၃၀၀၀ ကျော် တန်ဖိုးရှိ စိတ်ကြွရူးသွပ်ဆေးများကို စက်တင်ဘာလ ၁၉ ရက်၊ နေ့လယ်ပိုင်းက ဖမ်းမိခဲ့ကြောင်း သိရသည်။

.
ပူးပေါင်းအဖွဲ့သည် မူဆယ်မြို့၊ စွမ်စော်ရပ်ကွက်၊ ခိုဝိန်းနယ်မြေ၊ အမှတ်(ခဝ/၁၃၇)၊ အခန်း (၁၀)တွင် ငှားရမ်းနေထိုင်သူ ကျောက်ကွမ်ကြူ (ခ) ကျောက်ကျုံး ၏ နေအိမ်အား သတင်းအရရှာဖွေရာ နေအိမ်အတွင်း မှ ဒေသကာလတန်ဖိုးငွေကျပ်သိန်း ၃၀၀၀ ကျော် တန်ဖိုးရှိ စိတ်ကြွရူးသွပ်ဆေးပြား ၆၂၀၀၀၀ ပြားနှင့် စိတ်ကြွ ဆေးပြားအကြေ ၂ ဒသမ ၄ ကီလိုတို့ကို သိမ်းဆည်းရမိခဲ့ခြင်း ဖြစ်ကြောင်း CCDAC က ယနေ့တွင် ထုတ်ပြန်ထားခြင်း ဖြစ်သည်။
.
အဆိုပါ စိတ်ကြွဆေးပြားများနှင့်အတူ ဖမ်းဆီးရမိသည့် ကျောက်ကွမ်ကြူ (ခ) ကျောက်ကျုံးအား ဥပဒေအရ အရေးယူထားပြီး ကွင်းဆက်ပြစ်မှု ကျူးလွန်သူများအား စစ်ဆေးဖော်ထုတ်လျက်ရှိကြောင်း သိရသည်။
.
#KBZTai  #Shan  #News20Sep2021

Journal Download

Photo of three cats