ဆီ သုံးစွဲမှု ချွေတာရန် လျှပ်စစ်ရထား၊ လျှပ်စစ်ဘတ်စ်ကား၊ မြေအောက်ရထားတို့အား ဥပမာပြု၍ လျှပ်စစ်ဖြင့် အသုံးပြုနိုင်သည့် သယ်ယူပို့ဆောင်ရေးနည်းလမ်းများ လုပ်ဆောင်ရန် စစ်ကောင်စီ ဥက္ကဌ ပြော - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ဆီ သုံးစွဲမှု ချွေတာရန် လျှပ်စစ်ရထား၊ လျှပ်စစ်ဘတ်စ်ကား၊ မြေအောက်ရထားတို့အား ဥပမာပြု၍ လျှပ်စစ်ဖြင့် အသုံးပြုနိုင်သည့် သယ်ယူပို့ဆောင်ရေးနည်းလမ်းများ လုပ်ဆောင်ရန် စစ်ကောင်စီ ဥက္ကဌ ပြော


ဆီ သုံးစွဲမှုများကို ချွေတာနိုင်ရေးအတွက် လျှပ်စစ် စွမ်းအားဖြင့် အသုံးပြုနိုင်သည့် သယ်ယူပို့ဆောင်ရေး နည်းလမ်းများ ဥပမာအားဖြင့် - လျှပ်စစ်ရထား၊ လျှပ်စစ်ဘတ်စ်ကား၊ မြေအောက်ရထား စသည်ဖြင့် စဉ်းစားလုပ်ဆောင်ရမည်ဟု စစ်ကောင်စီ ဥက္ကဌ ဗိုလ်ချုပ်မှူးကြီး မင်းအောင်လှိုင်က ပြောဆိုခဲ့သည်။

.
လားရှိုးမြို့ရှိ ရှမ်းပြည်နယ်အစိုးရ အဖွဲ့ခွဲရုံး အစည်းအဝေး ခန်းမ၌ ရှမ်းပြည်နယ်အစိုးရအဖွဲ့ဝင်များ၊ ကိုယ်ပိုင်အုပ်ချုပ်ခွင့်ရတိုင်း၊ ဒေသများမှ တာဝန်ရှိသူများ၊ ဌာနဆိုင်ရာဝန်ထမ်းများနှင့် မြို့မိမြို့ဖများအား စက်တင်ဘာလ ၁၉ ရက်က တွေ့ဆုံ အမှာစကား ပြောကြားစဉ် ယင်းကဲ့သို့ ပြောဆိုခဲ့ခြင်း ဖြစ်သည်။
.
ထို့အတူ သစ်တောဖုံးလွှမ်းမှုနှင့် သစ်တော စိုက်ခင်းများ အောင်မြင်သည်ကို တွေ့ရှိရသည့် အတွက် ဝမ်းမြောက်မိကြောင်း၊ နည်းပညာမြင့်သစ်တောထုတ်ကုန် လုပ်ငန်းများ ဆောင်ရွက်ရန် လိုအပ်ပြီး ဒေသတွင်း သယံဇာတကြွယ်ဝသည့် သစ်နှင့် ဝါး ကုန်ချောထုတ်ကုန်များ ထုတ်လုပ်နိုင် ရေး၊ ဆန်နှင့် ပတ်သက်၍ တစ်ဧက အထွက်နှုန်း ယခုထက် တိုးတက်အောင် လုပ်ဆောင်စေလိုကြောင်းကိုလည်း ဥက္ကဌက ၎င်း၏ အစိုးရအဖွဲ့ဝင်များကို မှာကြားခဲ့သည်။
.
ထို့အပြင် လားရှိုးမြို့ကို ဗဟိုပြု၍ စိုက်ပျိုး မွေးမြူရေး သိပ္ပံ သို့မဟုတ် ကောလိပ် တစ်ခုဖွင့်လှစ် အခြေတည်နိုင်ရေးကို လုပ်ဆောင်ပေးမည်ဟုလည်း ပြောဆိုခဲ့သေးသည်။
.
အဆိုပါ တွေ့ဆုံပွဲတွင် ရှမ်းပြည်နယ်ဝန်ကြီးချုပ် ဒေါက်တာကျော်ထွန်း၊ “ဝ”ကိုယ်ပိုင်အုပ်ချုပ်ခွင့်ရတိုင်း ဥက္ကဋ္ဌ ဦးညီနပ်၊ ကိုးကန့်ကိုယ်ပိုင်အုပ်ချုပ်ခွင့်ရဒေသ ဥက္ကဋ္ဌ ဦးမြင့်ဆွေ၊ ပလောင် ကိုယ်ပိုင်အုပ်ချုပ်ခွင့်ရဒေသ ဥက္ကဋ္ဌ ဦးတာသိန်းဇော် တို့က COVID -19 ရောဂါ ကာကွယ် ထိန်းချုပ်ရေးလုပ်ငန်းဆောင်ရွက်နေမှု အခြေအနေ၊ ဒေသဖွံ့ဖြိုးရေးဆိုင်ရာများနှင့် ပတ်သက်၍ တင်ပြ ဆွေးနွေးခဲ့ကြောင်း သိရသည်။


Journal Download

Photo of three cats