ကိုးကန့် ကိုယ်ပိုင်အုပ်ချုပ်ခွင့်ရဒေသ၊ လောက်ကိုင်မြို့နယ်၊ လောက်ကိုင် - ချင်းရွှေဟော်လမ်းပေါ်တွင် ယနေ့ စက်တင်ဘာလ ၂၁ ရက်၊ နေ့လယ်ပိုင်းက ယာဉ်တိုက်မှု ဖြစ်ပွားခဲ့သဖြင့် လူ ၃ ဦး သေဆုံးခဲ့ကြောင်း သိရသည်။
.
လောက်ကိုင် - ချင်းရွှေဟော်လမ်း၊ မိုင်တိုင်အမှတ် (၁၇/၃)တွင် လောက်ကိုင်မြို့မှ မောင်းနှင်လာသော Mark II အဖြူရောင်ယာဉ်သည် မိုးရွာသွန်းမှုကြောင့် လမ်းချော်ကာ အရှိန် မထိန်းနိုင်ဘဲ တစ်ဖက် ယာဉ်ကြောဖက်မှ မျက်နှာချင်းဆိုင် မောင်းနှင်လာသော ၁၀ ဘီးယာဉ်နှင့် ဝင် တိုက်မိခြင်း ဖြစ်ကြောင်း သိရသည်။
.
ယာဉ်တိုက်မှုကြောင့် Mark II ယာဉ်ပေါ်ပါ ယာဉ်မောင်း အမျိုးသား ၁ ဦး၊ အမျိုးသမီး ၂ ဦး ၊ စုစုပေါင်း ၃ ဦး သေဆုံးခဲ့ကြောင်းနှင့် ယာဉ်တိုက်မှု ဖြစ်ပွားရာနေရာသို့ မီးသတ်တပ်ဖွဲ့ဝင်များ၊ သက်ဆိုင်ရာ အဖွဲ့အစည်းများက သွားရောက် ကူညီဆောင်ရွက်ခဲ့ကြောင်း သိရသည်။
.
အဆိုပါ သေဆုံးသူများ၏ ရုပ်အလောင်းများအား လောက်ကိုင်ဆေးရုံသို့ ပို့ဆောင်ထားကြောင်း သိရသည်။
.
#KBZTai #Shan #News21Sep2021
