တောင်ကြီးမြို့နယ်တွင် Stay at Home ကြေညာပြီးနောက် COVID-19 ရောဂါ ထပ်မံတွေ့ရှိသူ ၉၉၇ ဦး ရှိ

.

တောင်ကြီးမြို့နယ်အတွင်း Say at Home အမိန့် ကြေညာပြီးနောက် ဇူလိုင်လ ၂၆ ရက်မှ ယမန်နေ့ ဩဂုတ်လ ၈ ရက်အထိ ရက်သတ္တ ၂ ပတ်အတွင်း COVID-19 ရောဂါ အတည်ပြုလူနာ ၉၉၇ ဦး ထပ်မံတွေ့ရှိခဲ့ပြီး ပိုးတွေ့လူနာများ အနက် ထပ်မံသေဆုံးသူ ၈၇ ဦး ရှိခဲ့ကြောင်း မြို့နယ်အထွေထွေအုပ်ချုပ်ရေးဦးစီးဌာန၏ နေ့စဉ် ထုတ်ပြန်ချက်များအရ သိရသည်။

.

.

COVID-19 ရောဂါ တတိယလှိုင်း ကူးစက်ပြန်ပပွားမှု စတင်ခဲ့သည့် ဇွန်လ ၁ ရက်မှ ဩဂုတ်လ ၈ ရက်အထိ တောင်ကြီး မြို့နယ်တွင် COVID-19 ရောဂါ အတည်ပြုလူနာ စုစုပေါင်း ၂၃၃၉ ဦး တွေ့ရှိခဲ့ပြီး ယင်းတို့အနက် ၁၄၃ ဦး သေဆုံးခဲ့ ကြောင်း သိရသည်။

.

နေ့အလိုက် ရောဂါပိုး တွေ့ရှိမှုအနေဖြင့် ဩဂုတ်လ ၄ ရက်တွင် ၁၇၃ ဦးဖြင့် အများဆုံး တွေ့ရှိခဲ့ပြီး သေဆုံးသူ အများဆုံး နေ့မှာ ဇူလိုင်လ ၃၀ ရက်ဖြစ်ကာ ယင်းနေ့တွင် တစ်ရက်တည်း လူနာ ၁၂ ဦး သေဆုံးခဲ့ခြင်းဖြစ်သည်။

.

.

တောင်ကြီးမြို့နယ်အတွင်း ယမန်နေ့ ဩဂုတ်လ ၈ ရက်အထိ ဆေးကုသမှုခံယူဆဲလူနာ ၉၃၆ ဦး ရှိကြောင်း သိရသည်။

.