ရှမ်းပြည်နယ်တွင် ရက်ပေါင်း ၇၀ အတွင်း COVID-19 ရောဂါကြောင့် လူ ၇၀၀ နီးပါး သေဆုံးခဲ့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရှမ်းပြည်နယ်တွင် ရက်ပေါင်း ၇၀ အတွင်း COVID-19 ရောဂါကြောင့် လူ ၇၀၀ နီးပါး သေဆုံးခဲ့

.

ရှမ်းပြည်နယ်တွင် COVID-19 တတိယလှိုင်းကာလ ဇွန်လ ၁ ရက်မှ ဩဂုတ်လ ၉ ရက်အထိ ရက်ပေါင်း ၇၀ အတွင်း လူပေါင်း ၇၀၀ နီးပါးခန့် COVID-19 ရောဂါဖြင့် သေဆုံးခဲ့ကြောင်း သိရသည်။

.

.

COVID-19 တတိယလှိုင်းကာလ ဇွန်လ ၁ ရက်မှ ယမန်နေ့ ဩဂုတ်လ ၉ ရက်အထိ ရှမ်းပြည်နယ်တစ်ခုလုံးတွင် COVID-19 ရောဂါ အတည်ပြုလူနာ ၂၂၅၂၉ ဦး တွေ့ရှိခဲ့ပြီး ယင်းတို့အနက် ၆၈၅ ဦး သေဆုံးခဲ့ခြင်းဖြစ်သည်။

.

ပိုးတွေ့လူနာများအနက် ၁၅၄၆၇ ဦးမှာ ရောဂါသက်သာသဖြင့် ဆေးရုံဆင်းခွင့်ရခဲ့ပြီးဖြစ်ကာ ၆၃၇၇ ဦးကို ဆေးရုံနှင့် ကုသရေးစင်တာအသီးသီးတွင် စောင့်ကြည့်ကုသပေးလျက်ရှိကြောင်း ရှမ်းပြည်နယ်အထွေထွေအုပ်ချုပ်ရေးဦးစီးဌာန မှ သိရသည်။

.

ရှမ်းပြည်နယ်အတွင်း ဒေသအလိုက် COVID-19 ရောဂါပိုး တွေ့ရှိမှု အနေဖြင့် ရှမ်းပြည်နယ်မြောက်ပိုင်း ဒေသတွင် ပိုးတွေ့လူနာ ၁၁၉၀၈ ဦး ဖြင့် အများဆုံး တွေ့ရှိခဲ့ပြီး ယင်းတို့အနက် ၃၇၄ ဦး သေဆုံး၍ ၉၀၈၃ ဦးမှာ ဆေးရုံဆင်းခွင့် ရပြီဖြစ်ကာ လက်ရှိ ကုသဆဲလူနာ ၂၄၅၁ ဦး ရှိကြောင်း သိရသည်။

.

ရှမ်းပြည်နယ်တောင်ပိုင်းဒေသတွင်မူ ပိုးတွေ့လူနာ စုစုပေါင်း ၈၁၀၈ ဦး တွေ့ရှိခဲ့သည့်အနက် ၂၉၄ ဦး သေဆုံးခဲ့ပြီး ၄၇၁၆ ဦးမှာ ဆေးရုံမှာ ဆင်းခွင့်ရပြီဖြစ်ကာ လက်ရှိကုသဆဲလူနာ ၃၀၉၈ ဦး ရှိကြောင်း သိရသည်။

.

ထို့အတူ ရှမ်းပြည်နယ်အရှေ့ပိုင်းဒေသတွင် ပိုးတွေ့လူနာ စုစုပေါင်း ၂၅၁၃ ဦး တွေ့ရှိခဲ့ပြီး ၁၇ ဦး သေဆုံး၍ ၁၆၆၈ ဦးမှာ ဆေးရုံဆင်းခွင့်ရပြီဖြစ်ကာ လက်ရှိကုသဆဲလူနာ ၈၂၈ ဦး ရှိကြောင်း သိရသည်။

Journal Download

Photo of three cats