ဟိုပုံး၌ ရဟန်း ၁၀ ပါး အပါအဝင် ၁၈ ဦးတွင် COVID-19 ပိုး တွေ့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ဟိုပုံး၌ ရဟန်း ၁၀ ပါး အပါအဝင် ၁၈ ဦးတွင် COVID-19 ပိုး တွေ့


ပအိုဝ်း ကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၌ ယနေ့ ဩဂုတ်လ ၅ ရက်၊ ညနေပိုင်းထိ ရဟန်း ၁၀ ပါး အပါအဝင် ၁၈ ဦးတွင် COVID-19 ပိုး တွေ့ရှိခဲ့ကြောင်း သိရသည်။

.

အသွားအလာ ကန့်သတ် စောင့်ကြပ် ကြည့်ရှုထားရှိသူ ၁၀၀ ဦး၏ ဓါတ်ခွဲနမူနာများအား RDT ဖြင့်စစ်ဆေးစဉ် ၁၈ ဦးတွင် Covid-19 ပိုးတွေ့ရှိကြောင်းနှင့် သာသနာလင်္ကာရကျောင်းတိုက်မှ ရဟန်း ၁၀ ပါးနှင့် လူပုဂ္ဂိုလ် ၈ ဦး၊ စုစု‌ပေါင်း ၁၈ ဦးတွင် ပိုး တွေ့ရခြင်း ဖြစ်သည်။

.

ဟိုပုံးမြို့နယ်၌ COVID-19 ဖြင့် ဆေးရုံ တက်ရောက် ကုသမှု ခံယူနေသူ ၁၆၈ ဦး ရှိသည့်အနက်  ၅ ဦး သေဆုံးခဲ့ရပြီး ယင်း သေဆုံးရသူများမှာ အသက် အနိမ့်ဆုံး ၆၆ နှစ်နှင့် အမြင့်ဆုံး ၈၇ နှစ် အရွယ် ရှိသူများ ဖြစ်ကြောင်း သိရသည်။

.

သေဆုံးနှုန်းမှာ ၂ ဒသမ ၉၇ ရာခိုင်နှုန်း ရှိကာ COVID-19 ကာကွယ်ဆေး ထိုးနှံမှု မရှိသော သက်ကြီးရွယ်အိုများ သေစေနိုင်သည့် အတွက် နောက်တကြိမ် ကာကွယ်ဆေး ရောက်ပါက ကာကွယ်ဆေး အမြန်လာရောက် ထိုးနှံရန် ဟိုပုံးဆေးရုံက တိုက်တွန်း နှိုးဆော်ထားသည်။

.

#KBZTai #Shan #Hopone #COVID19

Journal Download

Photo of three cats