မိုင်းကိုင်တွင် ကုသဆဲ COVID-19 အတည်ပြုလူနာ ၁၅ ဦး ရှိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုင်းကိုင်တွင် ကုသဆဲ COVID-19 အတည်ပြုလူနာ ၁၅ ဦး ရှိ

.

လွိုင်လင်ခရိုင်၊ မိုင်းကိုင်မြို့နယ်အတွင်း လက်ရှိ ဆေးကုသမှုခံယူဆဲ COVID-19 ရောဂါ အတည်ပြုလူနာ ၁၅ ဦး ကျန်ရှိကြောင်း သိရသည်။

.

.

မိုင်းကိုင်မြို့နယ်၊ တုံလော (မြောက်) ကျေးရွာနေ အသက် ၆၀ အရွယ် အမျိုးသမီးတစ်ဦးသည် နေမကောင်းသဖြင့် ယမန်နေ့ ဩဂုတ်လ ၂၂ ရက်၊ နေ့လယ်ပိုင်း ၎င်းအပါအဝင် ၆ ဦးဖြင့် မိုင်းကိုင်ဆေးရုံသို့ လာရောက်ဆေးစစ်ဆေးမှု ခံယူရာ ၂ ဦးတွင် COVID-19 ရောဂါပိုး တွေ့ရှိခဲ့ကြောင်း သိရသည်။

.

အဆိုပါ အတည်ပြုလူနာများသည် ခရီးသွားရာဇဝင်မရှိဘဲ တောင်ယာနှင့် ခြံလုပ်ငန်း လုပ်ကိုင်သူများဖြစ်ကြောင်း သိရပြီး ၎င်းတို့နှင့် ထိတွေ့ဆက်စပ်သူ ၁၄ ဦးတို့ကို တုံလောကျေးရွာသို့ ကွင်းဆင်း၍ RDT Test Kit ဖြင့် စစ်ဆေးပေး ခဲ့ရာ COVID-19 လူနာ ၂ ဦး ထပ်မံတွေ့ရှိရသဖြင့် လူနာများကို မိုင်းကိုင်ပြည်သူ့ဆေးရုံရှိ Isolation Ward သို့ ခေါ်ဆောင်၍ ဆေးကုသမှုပေးလျက်ရှိပြီး ထိတွေ့ဆက်စပ်သူများ အားလုံးကို Home Quarantine ထားရှိ စောင့်ကြပ် ကြည့်ရှုလျက်ရှိကြောင်း သိရသည်။

.

သို့ဖြစ်၍ မိုင်းကိုင်မြို့နယ်တွင် COVID-19 တတိယလှိုင်းကာလ ဇွန်လမှ ယမန်နေ့ ဩဂုတ်လ ၂၂ ရ်အထိ COVID-19 ရောဂါ အတည်ပြုလူနာ ၅၅ ဦး တွေ့ရှိခဲ့ပြီး ၎င်းတို့အနက် ၄၀ ဦးမှာ ကျန်းမာရေးပြန်လည်ကောင်းမွန်လာသဖြင့် ဆေးရုံမှ ဆင်းခွင့်ရပြီဖြစ်ကာ လက်ရှိကုသဆဲလူနာ ၁၅ ဦး ကျန်ရှိနေကြောင်း သိရသည်။

.

နန်းလှိုင်လှိုင်ဦး (မိုင်းကိုင်)

.

Journal Download

Photo of three cats