ကျိုင်းတုံတွင် COVID-19 ရောဂါဖြင့် သေဆုံးသူ ၁၂ ဦး ရှိလာ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ကျိုင်းတုံတွင် COVID-19 ရောဂါဖြင့် သေဆုံးသူ ၁၂ ဦး ရှိလာ

.

ကျိုင်းတုံမြို့နယ်တွင် COVID-19 တတိယလှိုင်းကာလ ဇွန်လ ၁ ရက်မှ ယနေ့ ဩဂုတ်လ ၂၂ ရက်အတွင်း COVID-19 ရောဂါဖြင့် သေဆုံးသူ ၁၂ ဦး ရှိလာပြီဖြစ်ကြောင်း ကျိုင်းတုံမြို့နယ် COVID-19 ရောဂါ ထိန်းချုပ်ရေးနှင့် အရေးပေါ် တုံပြန်ရေးကော်မတီထံက သိရသည်။

.


.

“COVID-19 တတိယလှိုင်းအတွင်းမှာ သေဆုံးသူစုစုပေါင်း ၁၂ ဦးရှိပါပြီ။ ပိုးတွေ့လူနာ ၈၀၀ ကျော်တွေ့ရှိခဲ့တဲ့အထဲမှာ ဆေးရုံဆင်းခွင့်ရသူက ၄၀၀ လောက် ရှိပါပြီ။ ၄၀၀ ကျော်‌လောက်‌ကတော့ ဆေးကုသမှုခံယူနေဆဲပါ။ ဒါကြောင့် ကျိုင်းတုံမြို့နယ်အတွင်းမှာ COVID-19 ကပ်ရောဂါဆိုးကြီးက ကူးစက်မှုနှုန်းမြင့်မား‌နေပါတယ်။ အဲဒီအတွက်လည်း ဒီရောဂါ ကာကွယ်ထိန်းချုပ်နိုင်‌ရေးအတွက် အားလုံးက ဝိုင်းဝန်းကြိုးပမ်းဆောင်ရွက်နေကြပါတယ်။ မိမိအပါအဝင် မိမိပတ်ဝန်းကျင်ကို ကြိုတင်ကွယ်နိုင်ရေး၊ ကပ်ရောဂါ ထိန်းချုပ်ကာကွယ်လျော့နည်းလာစေရေးအတွက် ပြည်သူတွေ အနေနဲ့ အသိတရားနဲ့ သတိထားပြီး ပူးပေါင်းပါဝင်ပေးကြပါလို့ ပြောချင်ပါတယ်” ဟုကျိုင်းတုံမြို့နယ်COVID-19 ရောဂါကာကွယ်၊ ထိန်းချုပ်၊ ကုသရေးကော်မတီဝင်တစ်ဦးက ကမ္ဘောဇတိုင်းသို့ ပြောသည်။

.

ကျိုင်းတုံမြို့နယ်အတွင်း ယမန်နေ့ ဩဂုတ်လ ၂၁ ရက်က COVID-19 လူနာသစ် ၄၂ ဦး တွေ့ရှိခဲ့သည့်အတွက် COVID-19 ရောဂါ အတည်ပြုလူနာ စုစုပေါင်း ၈၉၉ ဦး ရှိလာပြီး ယင်းတို့အနက် ၄၇၁ ဦးမှာ ဆေးရုံမှ ဆင်းခွင့်ရပြီဖြစ်ကာ သေဆုံးသူ ၁၂ ဦးရှိခဲ့ပြီး လက်ရှိကုသဆဲလူနာ ၄၁၆ ဦး ရှိကြောင်း သိရသည်။

.

အဆိုပါ ကုသဆဲလူနာများကို ကျိုင်းတုံအထွေထွေရောဂါကုဆေးရုံကြီး၊ ကျိုင်းတုံတက္ကသိုလ်၊ သူနာပြုသင်တန်း ကျောင်း တို့တွင် ဆေးကုသမှုပေးလျက်ရှိကြောင်း သိရသည်။

.

ကျိုင်းတုံမြို့နယ်တွင် ယင်းကဲ့သို့ COVID-19 ရောဂါ ကူးစက်မှုနှုန်း မြင့်မားလာသည့်အတွက် ဩဂုတ်လ ၁၉ ရက်မှ စတင်၍ Stay at Home အစီအစဉ်တွင် အကျုံးဝင်ကြောင်း ကြေညာထားသည်။

.

Journal Download

Photo of three cats