တောင်ကြီးမြို့နယ်အတွင်း COVID-19 ပိုးတွေ့လူနာ ၂၀၀၀ ကျော် ရှိလာ

.

တောင်ကြီးမြို့နယ်အတွင်း ဇွန်လ ၁ ရက်မှ ယနေ့ ဩဂုတ်လ ၃ ရက် အတွင်း COVID-19 ရောဂါ ပိုးတွေ့အတည်ပြု လူနာ ၂၀၀၇ ဦး ရှိလာပြီဖြစ်ကြောင်း သိရသည်။

.

.

တောင်ကြီးမြို့နယ်တွင် ယနေ့ ဩဂုတ်လ ၃ ရက် စစ်ဆေးမှုများအရ COVID-19 ရောဂါ အတည်ပြုလူနာ ၉၂ ဦး ထပ်မံတွေ့ရှိခဲ့ပြီး ပိုးတွေ့လူနာများအနက် ယနေ့တွင် ၁၁၅ ဦး ဆေးရုံမှ ဆင်းခွင့်ရကာ ၃ ဦး ထပ်မံသေဆုံးခဲ့ကြောင်း သိရသည်။

.

သို့ဖြစ်၍ တောင်ကြီးမြို့နယ်တွင် ယနေ့ ဩဂုတ်လ ၃ ရက်အထိ COVID-19 ရောဂါ အတည်ပြုလူနာ ၂၀၀၇ ဦး တွေ့ရှိထားပြီး ယင်းတို့အနက် ၁၁၈ ဦး သေဆုံး၍ ဆေးရုံဆင်းခွင့်ရသူ စုစုပေါင်း ၈၈၅ ဦး ရှိကာ လက်ရှိ ဆေးကုသမှု ခံယူဆဲလူနာ ၁၀၃၄ ဦး ရှိကြောင်း သိရသည်။

.

တောင်ကြီးမြို့ပေါ်တွင် COVID-19 ရောဂါပိုး တွေ့ရှိမှု အများဆုံးရပ်ကွက်များမှာ ကျောင်းကြီးစုရပ်ကွက်၊ စိန်ပန်း ရပ်ကွက်နှင့် ရွှေတောင်ရပ်ကွက်တို့ဖြစ်ပြီး အနည်းဆုံး ရပ်ကွက်များမှာ ဟော်ကုန်း၊ ညောင်ရွှေဟော်ကုန်းနှင့် ကံကြီး ရပ်ကွက်များဖြစ်ကြောင်း သိရသည်။

.