.
လင်းခေးခရိုင်၊ မိုးနဲမြို့နယ်နှင့်
ကျိုင်းတောင်းမြို့တို့တွင် ယနေ့ ဩဂုတ်လ ၂၂ ရက် RDT Test Kit စစ်ဆေးမှုများအရ COVID-19 ရောဂါ
အတည်ပြုလူနာသစ် ၁၀ ဦး ထပ်မံတွေ့ရှိခဲ့ကြောင်း သိရသည်။
.
အဆိုပါ COVID-19 အတည်ပြုလူနာသစ်များမှာ ကျိုင်းတောင်းမြို့မှ မိုးနဲသို့ပြန်လာသူ ၂ ဦး၊ ကျိုင်းတောင်းဆေးရုံတွင် မီးဖွားရန် လာရောက်သူ ၂ ဦးနှင့် ယခင် COVID-19 အတည်ပြုလူနာများနှင့် ထိတွေ့ဆက်စပ်သူ ၆ ဦးတို့ဖြစ်ကြောင်း သိရသည်။
.
ယင်း COVID-19 အတည်ပြုလူနာများအား မိုးနဲမြို့နယ်
ပြည်သူ့ဆေးရုံရှိ Isolation Ward ၌ သီးခြားစောင့်ကြည့် ကုသပေးလျက်ရှိကြောင်း သိရသည်။
.
ကျိုင်းတောင်းမြို့
အပါအဝင်ဖြစ်သော မိုးနဲမြို့နယ်တွင် COVID-19
တတိယလှိုင်းကာလ ဇွန်လမှ ယနေ့ ဩဂုတ်လ ၂၂ ရက်အထိ COVID-19 အတည်ပြုလူနာ စုစုပေါင်း ၁၉၉ ဦး တွေ့ရှိခဲ့ရာ ၎င်းတို့အနက် ၁၃၃ ဦးမှာ ဆေးရုံမှဆင်းခွင့်ရပြီ
ဖြစ်ကာ သေဆုံးသူ ၉ ဦး ရှိကြောင်း မိုးနဲမြို့နယ် COVID-19 ရောဂါ
ကာကွယ်ထိန်းချုပ်ကုသရေး လုပ်ငန်းကော်မတီ ထံမှ သိရသည်။
.
မျိုးညွန့်ရွှေ (မိုးနဲ)
.
