တာချီလိတ်မြို့ပေါ်ရပ်ကွက်များတွင် ၄ ရက်အတွင်း သေဆုံးသူ ၂၀ ဦး ရှိပြီး COVID-19 စစ်ဆေးခြင်းမရှိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တာချီလိတ်မြို့ပေါ်ရပ်ကွက်များတွင် ၄ ရက်အတွင်း သေဆုံးသူ ၂၀ ဦး ရှိပြီး COVID-19 စစ်ဆေးခြင်းမရှိ

.

Stay at Home သတ်မှတ်ထားသည့် တာချီလိတ်မြို့တွင် ၄ ရက်အတွင်း နေအိမ်များ၌ သေဆုံးသူ ၂၀ ဦး ရှိပြီး ၎င်းတို့ကို COVID-19 စစ်ဆေးခြင်းမပြုဘဲ ၉၆ ပါးဖြင့် သေဆုံးစာရင်းတွင် ထည့်သွင်းဖော်ပြထားသည်ကို တွေ့ရသည်၊။

.

.

“ဘယ်လိုဖြစ်ဖြစ် သေသွားသူတွေမှာ COVID-19  ပိုးရှိ မရှိ သိရအောင် စစ်ဆေးပေးတာမျိုး လုပ်ပေးနိုင်ရင် ကောင်းမယ် လို့ အကြံပြုချင်ပါတယ်။ Positive ဆိုရင်လည်း ထိတွေ့မိသူတွေလည်း စစ်လို့ရမယ်။ နာရေးရော၊ လူနာတင်ယာဉ်ရော လူမှုရေးအသင်းအဖွဲ့တွေက ကူညီပေးနေတာဆိုတော့ သူတို့လည်း သတိထားလို့ရမယ်ဟု ဒေသခံတစ်ဦးက ပြောသည်။

.

တာချီလိတ်မြို့နယ်တွင် ဩဂုတ်လ ၁၀ ရက်မှ ၁၃ ရက်အထိ ၄ ရက်တာအတွင်း COVID-19 ရောဂါဖြင့် ဆေးရုံတက်ရောက် ကုသနေသူ ၆ ဦး သေဆုံးခဲ့သည်ကို တွေ့ရပြီး နေအိမ်များ၌ ၉၆ ပါးရောဂါဖြင့် သေဆုံးသူစာရင်း ၂၀ ဦးအထိ ရှိလာခြင်းဖြစ်ကာ ယင်းသေဆုံးသူများတွင် အသက် ၈ နှစ်အရွယ်မှ အသက် ၉၀ အထိ ပါဝင်ကြောင်း သိရသည်။

.

COVID-19 ပထမလှိုင်းနှင့် ဒုတိယလှိုင်းကာလက တာချီလိတ်တွင် သံသယရှိသူများ သေဆုံးမှုကို COVID-19 ရှိ/မရှိ စစ်ဆေးပြီး ရောဂါပိုး တွေ့ရှိပါက ထိတွေ့ဆက်စပ်သူများအား အသွားအလာကန့်သတ်ခြင်း၊ COVID-19 စစ်ဆေးခြင်း များ ပြုလုပ်၍ ရောဂါကူးစက်ပျံ့ပွားမှုကို ထိန်းချုပ်နိုင်ခဲ့သော်လည်း တတိယလှိုင်းတွင် ယင်းကဲ့သို့ လုပ်ဆောင်နိုင်ခြင်း မရှိဘဲ နေအိမ်တွင် သေဆုံးသူများကို ၉၆ ပါးဖြင့် သေဆုံးစာရင်းတွင် ထည့်သွင်းလာခြင်းဖြစ်ကြောင်း သိရသည်။

.

လက်ရှိတွင် သံသယရှိသူများအနေဖြင့် ဆေးရုံဟောင်းတွင် ဖွင့်လှစ်ထားသည့် Fever Clinic ၌ တနင်္လာ၊ ဗုဒ္ဓဟူးနှင့် သောကြာနေ့များတွင်လည်းကောင်း၊ အတည်ပြုလူနာနှင့်ထိတွေ့များအနေဖြင့်  အင်္ဂါ၊ ကြာသပတေး၊ စနေနှင့် တနင်္ဂနွေနေ့များတွင်လည်းကောင်း နံနက် ၉ နာရီမှ နေ့လယ် ၁၂  နာရီအတွင်းနှင့် အရေးပေါ်လူနာများအနေဖြင့် ဆေးရုံကြီးတွင် တစ်ဦးလျှင် ကျပ်တစ်သောင်းနှုန်းဖြင့် စစ်ဆေးနိုင်ကြောင်း သိရသည်။

.

“ညဘက်တွေဆို အသည်းအသန်ရောက်လာတာမျိုးတွေရှိတယ်။ အိမ်မှာကုနေရင်းမနိုင်တော့တဲ့ သဘောမျိုးလည်း ဖြစ်နိုင်တယ်။ ရောက်တာနဲ့ စစ်ကြည့်လိုက်တော့ COVID-19 တွေ့တာတွေရှိတယ်။ "ဟု အမည်မဖော်လိုသl ကျန်းမာရေးဝန်ထမ်းတစ်ဦးက ပြောသည်။

.

အချို့မှာ စစ်ဆေးခမ တတ်နိုင်ခြင်း၊ အချို့မှာ ပိုးတွေ့ပါက Quarantine Center သွားရမည်ကို ကြောက်လန့်ခြင်း တို့ကြောင့် သံသယလက္ခဏာပြသည်ကို မစစ်ဆေးဘဲနေသူများရှိသည့်အပြင် အခြားရောဂါဟုယူဆပြီး နေအိမ်တွင် ကုသရင်းသေဆုံးသူများကိုလည်း  COVID-19  စစ်ဆေးခြင်းမရှိသည့်အတွက် သက်ဆိုင်ရာဌာနများ၏ COVID-19  အတည်ပြုလူနာစာရင်းမှာ အမှန်တကယ် ဖြစ်ပွားနေသည့် အရေအတွက်မဟုတ်ဘဲ လာရောက်အစစ်ဆေးခံသူများမှ တွေ့ရှိသည့်အရေအတွက်စာရင်းသာ ဖြစ်သည်ကို တွေ့ရသည်။

.

Journal Download

Photo of three cats