ကျိုင်းတောင်းတွင် COVID-19 ရောဂါ ကူးစက်ခံရပြီး သေဆုံးသူ ၅ ဦး ရှိလာ

.

လင်းခေးခရိုင်၊ မိုးနဲမြို့နယ်၊ ကျိုင်းတောင်းမြို့တွင် COVID-19 ရောဂါ ကူးစက်ခံရပြီး သေဆုံးသူ ၅ ဦးအထိ ရှိလာပြီ ဖြစ်ကြောင်း သိရသည်။

.

.

ကျိုင်းတောင်းပြည်သူ့ဆေးရုံ အထူးကုသဆောင်တွင် ဆေးဝါးကုသမှု ခံယူနေသော ကျိုင်းတောင်းမြို့၊ အမှတ် (၅) ရပ်ကွက်နေ အသက် ၄၆ နှစ်အရွယ် အမျိုးသားတစ်ဦးသည် ယနေ့ ဩဂုတ်လ ၁၂ ရက်၊ နံနက်ပိုင်းတွင် ထပ်မံသေဆုံး ခဲ့ခြင်းဖြစ်သည်။

.

အဆိုပါ အမျိုးသားသည် ဩဂုတ်လ ၆ ရက်က COVID-19 ရောဂါ အတည်ပြုလူနာအဖြစ် ကျိုင်းတုံဆေးရုံတွင် တက်ရောက်ဆေးကုသမှုခံယူခဲ့သူဖြစ်ပြီး သေဆုံးသူ၏ ရုပ်အလောင်းအား မနောဖြူလူမှုကူညီရေးအသင်ယာဉ်ဖြင့် ရွှေညောင်ပင်သုဿာန်သို့ ပို့ဆောင်မီးသင်္ဂြိုဟ်ပေးခဲ့ကြောင်း သိရသည်။

.

ကျိုင်းတောင်းမြို့တွင် COVID-19 တတိယလှိုင်းကာလ ဇွန်လ ၁ ရက်မှ ယနေ့ ဩဂုတ်လ ၁၂ ရက်အထိ COVID-19 ရောဂါ အတည်ပြုလူနာ ၇၈ ဦး တွေ့ရှိခဲ့ပြီး ယင်းတို့အနက် ၅ ဦးသေဆုံး၍ ၁၉ ဦးမှာ ဆေးရုံမှ ဆင်းခွင့်ရပြီဖြစ်ကြောင်း မြို့နယ် COVID-19 ရောဂါ ကာကွယ်ထိန်းချုပ်ကုသရေးလုပ်ငန်းကော်မတီ၏ ထုတ်ပြန်ချက်အရ သိရသည်။

.

မျိုးညွန့်ရွှေ (မိုးနဲ)

.