နောင်ချိုမြို့နယ်တွင် ငွေကျပ်သိန်း ၂၉၀၀ ကျော်တန်ဖိုးရှိ မူးယစ်ဆေးဝါးများ ဖမ်းမိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

နောင်ချိုမြို့နယ်တွင် ငွေကျပ်သိန်း ၂၉၀၀ ကျော်တန်ဖိုးရှိ မူးယစ်ဆေးဝါးများ ဖမ်းမိ

.

ကျောက်မဲခရိုင်၊ နောင်ချိုမြို့နယ်တွင် ယမန်နေ့ ဩဂုတ်လ ၂၀ ရက်၊ ညပိုင်းက ၆ ဘီး ကွန်တိန်နာယာဉ်ဖြင့် သယ်ဆောင်လာသည့် ငွေကျပ် သိန်း ၂၉၀၀ ကျော် တန်ဖိုးရှိ မူးယစ်ဆေးဝါးများအား ဖမ်းဆီးရမိခဲ့ကြောင်း သိရသည်။

.

.

ပူးပေါင်းအဖွဲ့သည် ဩဂုတ်လ၂၀ ရက်နေ့ ည ၁၁ နာရီအချိန် နောင်ချိုမြို့နယ်၊ မူဆယ်-မန္တလေးသွားကားလမ်း၊ အိုရီယမ်တယ်တိုးဂိတ်အနီးတွင် ကျောက်မဲမှ မန္တလေးသို့ ဝေမင်းဟန် မောင်းနှင်ပြီး ငြိမ်းချမ်း လိုက်ပါလာသည့် ISUZU ၆ ဘီး ကွန်တိန်နာ မော်တော်ယာဉ်ကို သတင်းအရရှာဖွေရာ မော်တော်ယာဉ်အတွင်းမှ ဒေသကာလ တန်ဖိုးငွေကျပ်သိန်း ၂၉၀၀ ကျော်တန်ဖိုးရှိ ရောင်စုံဆပ်ပြာခွက် ၁၆၅ဝ ခွက်အတွင်းမှ ဘိန်းဖြူအလေးချိန် ၁၆ ဒသမ ၅ ကီလို၊ စိတ်ကြွရူးသွပ်ဆေးပြား ၅၄၀၀၀ ပြား၊ ဘိန်း ၃၀ ကီလို သိမ်းဆည်းရမိခဲ့ခြင်းဖြစ်ကြောင်း သိရသည်။

.

စစ်ဆေးပေါ်ပေါက်ချက်အရ အဆိုပါ မူးယစ်ဆေးဝါးများကို ကျောက်မဲမြို့နယ်မှ မန္တလေးမြို့သို့ သယ်ဆောင်ခြင်း ဖြစ်ကြောင်း သိရှိရသဖြင့် ၎င်းတို့အား မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများ ဆိုင်ရာဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား စစ်ဆေးဖော်ထုတ်လျက်ရှိကြောင်း သိရသည်။

.

Journal Download

Photo of three cats