နမ့်စန်တွင် နှာခေါင်းစည်းမတပ်ဘဲ သွားလာနေသူများကို အရေးယူမည် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

နမ့်စန်တွင် နှာခေါင်းစည်းမတပ်ဘဲ သွားလာနေသူများကို အရေးယူမည်

.

လွိုင်လင်ခရိုင်၊ နမ့်စန်မြို့နယ်တွင် နှာခေါင်းစည်း (Mask) မတပ်ဆင်ဘဲ အပြင်ထွက်သွားလာနေသူများကို ဩဂုတ်လ ၁၁ ရက်မှစတင်ပြီး အရေးယူဆောင်ရွက်သွားမည်ဖြစ်ကြောင်း မြို့နယ် COVID-19 ရောဂါ ကာကွယ်ထိန်းချုပ်ကုသရေး လုပ်ငန်းကော်မတီထံက သိရသည်။

.

.

နမ့်စန်မြို့နယ်တွင် COVID-19 ရောဂါ ပိုးတွေ့အတည်ပြုလူနာ အများအပြား ဆက်တိုက်တွေ့ရှိနေရပြီး ရောဂါပိုး ကူးစက်မှုနှုန်း မြင့်မားနေသည့်အတွက် ပြည်သူများအနေဖြင့် COVID-19 ဆိုင်ရာ စည်းကမ်း၊ လမ်းညွှန်ချက်များနှင့် အညီ သွားလာနေထိုင်ရန် မြို့နယ် COVID-19 ရောဂါ ကာကွယ်ထိန်းချုပ်ကုသရေးလုပ်ငန်းကော်မတီမှ နေ့စဉ် အသိပေး နှိုးဆော်မှုများ ပြုလုပ်နေလျက်ရှိကြောင်း သိရသည်။

.

ယင်းကဲ့သို့ အသိပေးနှိုးဆော်မှုများ ဆောင်ရွက်နေသည့်အပြင် ဩဂုတ်လ ၁၁ ရက်မှ စတင်ပြီး ပြည်သူများ အနေဖြင့် အပြင်ထွက်သွားလာရာတွင် နှာခေါင်းစည်း တပ်ဆင်မှုရှိ/မရှိကို မြို့နယ်ပူးပေါင်းစစ်ဆေးရေးအဖွဲ့က ရှောင်တခင် စစ်ဆေးပြီး အရေးယူသွားမည်ဖြစ်ကြောင်း သိရသည်။

.

"COVID-19 ရောဂါကာကွယ်ထိန်းချုပ်နိုင်ဖို့ ပြည်သူတွေအနေနဲ့ လူစုလူဝေး မလုပ်ဖို့ ၊ မလိုအပ်ဘဲ နေအိမ်ပြင်ပမထွက်ခွာဖို့နဲ့ မဖြစ်မနေ ထွက်ခွာသွားလာရမယ်ဆိုရင် Mask စနစ်တကျ တပ်ဆင် သွားလာဖို့ အသိပညာပေးတာတွေ ၊ နှိုးဆော်တာတွေကို မြို့နယ်တွင်းမှာ စဉ်ဆက်မပြတ် ဆောင်ရွက်ပေးနေပါတယ်။ မလိုက်နာတဲ့ သူတွေရှိနေတဲ့အတွက် ဩဂုတ်လ ၁၁ ရက်နေ့ကစပြီး တာဝန်ရှိသူတွေပါဝင်တဲ့ ပူးပေါင်းအဖွဲ့စုံနဲ့ ရှောင်တခင်စစ်ဆေးမှုတွေ ဆောင်ရွက်ပါမယ်။ Mask မတပ်ဆင်ဘဲ သွားလာနေသူတွေတွေ့ရင် ပထမအကြိမ် မှတ်တမ်းယူမယ်၊ ဒဏ်ငွေရိုက်မယ်၊ ဒုတိယအကြိမ် ထပ်တွေ့ရင် တည်ဆဲဥပဒေတွေနဲ့ အရေးယူ ဆောင်ရွက်သွားပါမယ်” ဟု နမ့်စန်မြို့နယ် COVID-19 ရောဂါကာကွယ်ထိန်းချုပ်ကုသရေးလုပ်ငန်းကော်မတီအဖွဲ့ဝင် တစ်ဦးက ပြောသည်။

.

နမ့်စန်မြို့နယ်တွင် ဩဂုတ်လ ၉ ရက်နေ့ အထိ COVID-19 အတည်ပြုလူနာ စုစုပေါင်း ၃၂၆ ဦး တွေ့ရှိခဲ့ပြီး ယင်းတို့အနက် ၁၀ ဦး သေဆုံး၍ ၂၁၃ ဦးမှာ ကျန်းမာရေးကောင်းမွန်လာသဖြင့် ဆေးရုံမှ ဆင်းခွင့်ရပြီဖြစ်ကြောင်း သိရသည်။

.

Journal Download

Photo of three cats