ရှမ်းရှေ့ဒေသတွင် အသုံးပြုနိုင်ရန်အတွက် မယ်ဆိုင်ဘက်မှ အခေါင်း ၂၀၀ ကျော် လှူဒါန်း - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရှမ်းရှေ့ဒေသတွင် အသုံးပြုနိုင်ရန်အတွက် မယ်ဆိုင်ဘက်မှ အခေါင်း ၂၀၀ ကျော် လှူဒါန်း

.

ထိုင်းနိုင်ငံမှ စေတနာရှင်များက မယ်ဆိုင်မြို့ရှိ လူမှုကူညီရေးအသင်းထံသို့ လှူဒါန်းထားသော ခေါင်းတလား အလုံးရေ ၂၁၀ ကို ရှမ်းပြည်နယ်အရှေ့ပိုင်းဒေသရှိ လူမှုကူညီရေးအသင်းများတွင် အသုံးပြုနိုင်ရန် အတွက် ယမန်နေ့ ဩဂုတ်လ ၁၄ ရက်က တာချီလိတ်မြို့သို့ ပေးပို့ထားကြောင်း သိရသည်။

.

.

အဆိုပါ ခေါင်းတလားများကို မယ်ဆိုင် - တာချီလိတ် နယ်စပ်ဖြတ်ကျော်သယ်ဆောင်ရေးအတွက် မယ်ဆိုင်မြို့ရှိ လွယ်ဝေါင်း(ဦးအောင်ဇေယျ) ကျောင်းထိုင်ဆရာတော်၊ မြန်မာ - ထိုင်းနယ်ခြားကော်မတီ အကူအညီဖြင့် သက်ဆိုင်ရာဌာနများထံ ခွင့်ပြုချက်ရယူ၍ တာချီလိတ်မြို့ရှိ  ပါလျှံတရုတ်ဘုံကျောင်းသို့  ပို့ဆောင်ပေးထားခြင်း ဖြစ်ကြောင်း သိရသည်။

.

ခေါင်းတလားများအား ကျိုင်းတုံ၊ တာချီလိတ်၊ တာလေ၊ မိုင်းဖြတ်၊ ကျိုင်းလပ်နှင့် မိုင်းယောင်းမြို့မျးမှ လူမှုကူညီရေး အသင်းများတွင် အသံးပြုနိုင်ရန်အတွက် မယ်ဆိုင်အခြေစိုက် လူမှုကရုဏာ ကူညီရေးအသင်း (မယ်ဆိုင်) က တစ်ဆင့် လှူဒါန်း ပေးခြင်းဖြစ်ကြောင်း သိရသည်။

.

ထိုင်းနိုင်ငံမှ ပြည်သူများ လှူဒါန်းသည့် ခေါင်းတလားများကို မယ်ဆိုင်အခြေစိုက် လူမှုကရုဏာကူညီရေးအသင်း (မယ်ဆိုင်) က ရှ၎်းပြည်နယ်အရှေ့ပိုင်းဒေသရှိ လူမှုကူညီရေးအသင်းများထံ မကြာခဏ ပေးပို့လှူဒါန်းလေ့ရှိကြောင်း သိရသည်။

.


.

ဓါတ်ပုံ -  လူမှုကရုဏာ လူမှုကူညီရေးအသင်း(မယ်ဆိုင်)

.

Journal Download

Photo of three cats