လာအိုနိုင်ငံမှ ပြန်လာကြသည့် မြန်မာနိုင်ငံသား ရွှေ့ပြောင်းလုပ်သား ၁၇၀ ဦး တို့ကို တောင်ကြီးမြို့မှ တဆင့် ၎င်းတို့ နေထိုင်ရာ နေရပ် အသီးသီးသို့ ဩဂုတ်လ ၃ ရက်၊ ညနေပိုင်းက ပြန်လည် ပို့ဆောင် ပေးခဲ့ကြောင်း သိရသည်။
.
အဆိုပါ နေရပ်ပြန်များသည် တာချီလိတ်မြို့ ဝမ်ပုံဆိပ်ကမ်းသို့ ဩဂုတ်လ ၁ ရက်က လည်းကောင်း၊ ဩဂုတ်လ ၃ ရက်တွင် တောင်ကြီးမြို့၊ TBC ကားဝန်းသို့ လည်းကောင်း ရောက်ရှိပြီးနောက် နေထိုင်ရာ ဒေသအသီးသီးသို့ ပြန်လည် ပို့ဆောင် ပေးခဲ့ခြင်း ဖြစ်ကာ ၎င်းတို့အား တောင်ကြီးခရိုင် အုပ်ချုပ်ရေးမှူးနှင့် သက်ဆိုင်ရာများက ကျန်းမာရေး စစ်ဆေးပေးခြင်း၊ ထမင်းထုပ်နှင့် ရေသန့်ဗူး ပေးဝေခြင်းများ ပြုလုပ်ပေးခဲ့ကြောင်း သိရသည်။
.
နေရပ်ပြန်များမှာ နေပြည်တော်ကောင်စီနယ်မြေ၊ ရှမ်းပြည်နယ်၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ရခိုင်ပြည်နယ်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီးနှင့် ဧရာဝတီတိုင်းဒေသကြီးတို့မှ ဖြစ်ကြောင်း သိရသည်။
.
#KBZTai #Shan #Taunggyi
