တောင်ကြီးမြို့၊ ရွှေဝောာင်ရပ်ကွက်၌ ဒေါ်နန်းဦး (ခ) မဦး ဦးဆောင်သော စေတနာရှင်များက အခြေခံ စားသောက်ကုန် ၁၄ မျိုးကို ငွေကျပ် ၃၀၀ ဖြင့် ယနေ့ ဩဂုတ်လ ၁၅ ရက်တွင် ရောင်းချ လှူဒါန်းမှုများ ပြုလုပ်ခဲ့ကြောင်း သိရသည်။
.
အဆိုပါ ငွေကျပ် ၃၀၀ ဖြင့် လှူဒါန်းရောင်းချသော စားသောက်ကုန်များတွင် ဆန် ၁ ပြည်၊ ကြက်သွန်နီ ၅၀ ကျပ်သား၊ ကြက်သွန်ဖြူ ၂၅ ကျပ်သား၊ ခရမ်းချဉ်သီး ၅၀ ကျပ်သား၊ အာလူး ၁ ထုပ်၊ ကြက်ဥ ၁၀ လုံး၊ ဆီ၂၅ ကျပ်သား၊ မုန်လာထုပ် ၁ ထုပ်၊ ဆား ၁ ထုပ်၊ မျှစ်ချဉ် ၁ ထုပ်၊ မြင်းခွာရွက် ၁ ထုပ်၊ ဆူကာရွက် ၁ ထုပ်၊ ချဉ်ပေါင်ရွက် ၁ ထုပ်နှင့် ဆပ်ပြာမှုန့် ၁ ထုပ်တို့ ပါဝင်ကြောင်း သိရသည်။
.
" စုစုပေါင်း ၁၄ မျိုးကို ငွေကျပ် ၃၀၀ နဲ့ ရောင်းချပေးခဲ့ပါတယ် ခင်ဗျာ။ နောက်ထပ်လည်း တစ်ရပ်ကွက်ချင်းစီ အလိုက် လှူနိုင်ဖို့ ကြိုးစားသွားပါမယ်။ ရလာတဲ့ အလှူငွေတွေကိုလည်း နောက်တစ်ကြိမ် လှူမယ့်အထဲမှာ ထည့်သွားပေးမှာပါ။" ဟု လှူဒါန်းမှုတွင် ပါဝင်သူ ကိုအောင်မျိုးဝင်းက ပြောသည်။
.
ဒေါ်နန်းဦး (ခ) မဦး ဦးဆောင်သော စေတနာရှင်များ၏ ယခု လှူဒါန်း ရောင်းချမှုမှာ ဒုတိယအကြိမ် အဖြစ် ဆောင်ရွက်ခြင်း ဖြစ်ပြီး တောင်ကြီးမြို့၊ ရွှေတောင်ရပ်ကွက်မှ အိမ်ထောင်စု ၂၃၀ အတွက် ရောင်းချ လှူဒါန်းပေးနိုင်ခဲ့ကြောင်း သိရသည်။
