လင်းခေးမြို့၊ နမ့်တိန်းချောင်းအတွင်းသို့ လူစုလူဝေးဖြင့် ရေးဆင်းချိုးခြင်းမပြုရန် တားမြစ်ထား - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

လင်းခေးမြို့၊ နမ့်တိန်းချောင်းအတွင်းသို့ လူစုလူဝေးဖြင့် ရေးဆင်းချိုးခြင်းမပြုရန် တားမြစ်ထား

.

COVID-19 ရောဂါ ကူးစက်ပြန့်ပွားမှုအား ထိန်းချုပ်နိုင်ရန် ရည်ရွယ်၍ လင်းခေးမြို့နေ ပြည်သူများ အနေဖြင့် နမ့်တိန်းချောင်းအတွင်းသို့ လူစုလူဝေးဖြင့် ရေးဆင်းချိုးခြင်းမပြုရန် တားမြစ်ထားကြောင်း သိရသည်။

.

.

လင်းခေးမြို့နယ် COVID-19 ရောဂါ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ၏ ဩဂုတ်လ ၁ ရက် အစည်းအဝေး ညှိနှိုင်းဆုံးဖြတ်ချက်အရ ယင်းကဲ့သို့ တားမြစ်ခဲ့ခြင်းဖြစ်ပြီး တားမြစ်ချက်အား ဖောက်ဖျက်ကျူးလွန်ပါက သဘာဝဘေးအန္တရာယ် စီမံခန့်ခွဲမှုရေးဥပဒေအရ အရေးယူသွားမည်ဖြစ်ကြောင်း သိရသည်။

.

လင်းခေးမြို့နယ်တွင် ဇူလိုင်လ ၁၉ ရက်မှ ယမန်နေ့ ဩဂုတ်လ ၂ ရက်အထိ COVID-19 အတည်ပြုလူနာ ၁၃၀ ဦး တွေ့ရှိခဲ့ရာ ယင်းတို့အနက် ၄၃ ဦး ဆေးရုံဆင်းခွင့်ရခဲ့ပြီး လက်ရှိ ကုသဆဲလူနာ ၈၇ ဦး ကျန်ရှိကြောင်း သိရသည်။

.

လင်းခေးမြို့နယ်အတွင်းမှ COVID-19 လူနာများနှင့် ထိတွေ့ဆက်စပ်သူ ၂၂ ဦးတို့ကို ဩဂုတ်လ ၁ ရက်က ဆက်လက် စစ်ဆေးပေးခဲ့ရာ ပိုးတွေ့သူ ၃ ဦး ထပ်မံတွေ့ရှိခဲ့ပြီး အတည်ပြုလူနာ စုစုပေါင်း ၁၃၀ ဦး အထိ ရှိလာခြင်းဖြစ်သည်။

.

အဆိုပါ ပိုးတွေ့လူနာများအနက် ဇူလိုင်လ ၃၀ ရက်တွင် ၂၅ ဦး၊ ဩဂုတ်လ ၁ ရက်နှင့် ၂ ရက်တို့တွင် ၁၈ ဦး ဆေးရုံမှ ဆင်းခွင့်ရသဖြင့် စုစုပေါင်း ဆေးရုံဆင်းခွင့်ရလူနာ ၄၃ ဦး ရှိပြီဖြစ်ကြောင်း သိရသည်။

.

ဆေးရုံဆင်းလူနာများအနေဖြင့် Stay Home ၇ ရက် ထပ်မံနေထိုင်ရန်၊ သတ်မှတ်ရက် မတိုင်မီ ပြင်ပသို့ ထွက်ခွာခြင်း မပြုရန်နှင့် မလိုက်နာပါက Positive Center တွင် ၁၄ ရက် ထပ်မံဝင်ရောက်ရမည်ဖြစ်ကြောင်း မြို့နယ် ကုသရေးနှင့် ပြည်သူ့ကျန်းမာရေးဦးစီးဌာနနှင့် မြို့နယ် COVID-19 ရောဂါ ကာကွယ်ထိန်းချုပ်ရေးနှင့် အရေးပေါ် တုံ့ပြန်ရေးကော်မတီတို့မှ အသိပေးထားကြောင်း သိရသည်။

.

အယ်လ်စိုင်း (လင်းခေး)

.

Journal Download

Photo of three cats