လာအိုပြန် မြန်မာအလုပ်သမားများအား တောင်ကြီးမှ တဆင့် နေရပ်ဒေသ အသီးသီးသို့ ပို့ဆောင် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

လာအိုပြန် မြန်မာအလုပ်သမားများအား တောင်ကြီးမှ တဆင့် နေရပ်ဒေသ အသီးသီးသို့ ပို့ဆောင်

လာအိုနိုင်ငံမှ နေရပ်ပြန် မြန်မာနိုင်ငံသား ရွှေ့ပြောင်း အလုပ်သမား ၃၁၄ ဦးသည် တာချီလိတ်မြို့မှ တောင်ကြီးမြို့သို့ ဩဂုတ်လ ၁၅ ရက်တွင် ရောက်ရှိလာခဲ့ရာ တောင်ကြီးမြို့မှ တဆင့် နေရပ်ဒေသ အသီးသီးသို့ ဆက်လက် ပို့ဆောင်ခဲ့ကြောင်း သိရသည်။

.

အဆိုပါ နေရပ်ပြန် ရွှေ့ပြောင်း အလုပ်သမားများမှာ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ နေပြည်တော်၊ ရခိုင်ပြည်နယ်၊ မွန်ပြည်နယ်၊  ဧရာဝတီတိုင်းဒေသကြီး၊ ကယားပြည်နယ်နှင့် ရှမ်းပြည်နယ်တို့မှ ဖြစ်သည်။

.

သက်ဆိုင်ရာ ဌာနဆိုင်ရာများ ပါဝင်သည့် အဖွဲ့မှ နေရပ်ပြန်များအား ကိုယ်အပူချိန် တိုင်းတာခြင်း၊ စားစရာများ ဝေငှခြင်း၊ လမ်းစရိတ်နှင့် စားစရိတ်များ ထောက်ပံ့မှုများ ပြုလုပ်ပေးခဲ့ကြောင်း သိရသည်။

.

ပြီးခဲ့သည့် ဩဂုတ်လ ၁၃  ရက်ကလည်း လာအိုပြန် မြန်မာနိုင်ငံသား ရွှေ့ပြောင်းအလုပ်သမား ၂၈၁ ဦးကို နေရပ်ဒေသ အသီးသီးသို့ ပို့ဆောင်ပေးခဲ့ပြီး ဖြစ်ကြောင်း သိရသည်။

Journal Download

Photo of three cats