လာအိုနိုင်ငံမှ နေရပ်ပြန် မြန်မာနိုင်ငံသား ရွှေ့ပြောင်း အလုပ်သမား ၃၁၄ ဦးသည် တာချီလိတ်မြို့မှ တောင်ကြီးမြို့သို့ ဩဂုတ်လ ၁၅ ရက်တွင် ရောက်ရှိလာခဲ့ရာ တောင်ကြီးမြို့မှ တဆင့် နေရပ်ဒေသ အသီးသီးသို့ ဆက်လက် ပို့ဆောင်ခဲ့ကြောင်း သိရသည်။
.
အဆိုပါ နေရပ်ပြန် ရွှေ့ပြောင်း အလုပ်သမားများမှာ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ နေပြည်တော်၊ ရခိုင်ပြည်နယ်၊ မွန်ပြည်နယ်၊ ဧရာဝတီတိုင်းဒေသကြီး၊ ကယားပြည်နယ်နှင့် ရှမ်းပြည်နယ်တို့မှ ဖြစ်သည်။
.
သက်ဆိုင်ရာ ဌာနဆိုင်ရာများ ပါဝင်သည့် အဖွဲ့မှ နေရပ်ပြန်များအား ကိုယ်အပူချိန် တိုင်းတာခြင်း၊ စားစရာများ ဝေငှခြင်း၊ လမ်းစရိတ်နှင့် စားစရိတ်များ ထောက်ပံ့မှုများ ပြုလုပ်ပေးခဲ့ကြောင်း သိရသည်။
.
ပြီးခဲ့သည့် ဩဂုတ်လ ၁၃ ရက်ကလည်း လာအိုပြန် မြန်မာနိုင်ငံသား ရွှေ့ပြောင်းအလုပ်သမား ၂၈၁ ဦးကို နေရပ်ဒေသ အသီးသီးသို့ ပို့ဆောင်ပေးခဲ့ပြီး ဖြစ်ကြောင်း သိရသည်။
