၂၀၂၀ ရွေးကောက်ပွဲရလဒ်ကို ဆက်လက်အသိအမှတ်ပြုသွားမည်ဟု SNLD ပြော - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

၂၀၂၀ ရွေးကောက်ပွဲရလဒ်ကို ဆက်လက်အသိအမှတ်ပြုသွားမည်ဟု SNLD ပြော

.

၂၀၂၀ ရွေးကောက်ပွဲရလဒ်ကို ပြည်ထောင်စုရွေးကောက်ပွဲကော်မရှင်အသစ်က ပယ်ဖျက်ခဲ့သော်လည်း ရွေးကောက်ခံ အနိုင်ရလွှတ်တော်ကိုယ်စားလှယ်များကို လူထုကိုယ်စားလှယ်များအဖြစ် လက်ခံထားကြောင်း ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ (SNLD) အထွေထွေအတွင်းရေးမှူး စိုင်းလိတ် က ပြောဆိုခဲ့သည်ဟု သိရသည်။

.

.

၂၀၂၀ ရွေးကောက်ပွဲ ရလဒ်သည် ပြည်သူလူထု၏ လွတ်လပ်စွာ မဲပေးပိုင်ခွင့်အပေါ် အခြေခံပြီး ထွက်ပေါ်လာသည့် ရလဒ်ဟု ယူဆကြောင်း၊  ရွေးကောက်ပွဲတွင် မဲမသမာမှုတွေ မဲစာရင်းအမှားယွင်းများ ရှိခဲ့သော်လည်း အများစုသော မဲဆန္ဒများသည် လွတ်လပ်မျှတမှုအပေါ်တွင် မူတည်ပြီးလွတ်လပ်စွာ ရွေးချယ်တင်မြောက် မဲပေးခဲ့ကြကြောင်း SNLD ၎င်းက ပြောဆိုခဲ့ခြင်းဖြစ်သည်။

.

အရွေးချယ်ခံထားရတဲ့ လွှတ်တော်ကိုယ်စားလှယ်တွေဟာ လူထုက သူတို့ကို မှန်မှန်ကန်ကန် လွတ်လွတ်လပ်လပ် ရွေးချယ်တင်မြှောက်ထားတာဖြစ်လို့ သူတို့တွေရဲ့ ဖြစ်တည်မှု အနေအထားအရ ဆိုရင်လည်း သူတို့ရွေးချယ် တင်မြှောက်တဲ့ လူထုရဲ့ ကိုယ်စားလှယ်အဖြစ်ပဲ ကျွန်တော်တို့က ဆက်လက်ပြီးတော့ အသိအမှတ်ပြုသွားမှာ ဖြစ်ပါတယ်” ဟု စိုင်းလိတ် က ပြောသည်။

.

၂၀၂၀ နိုဝင်ဘာ ၈ ရက်က ကျင်းပခဲ့သည့် ရွေးကောက်ပွဲ ဖွဲ့စည်းပုံအခြေခံ ဥပဒေ၊ ပြည်ထောင်စု ရွေးကောက်ပွဲ ဥပဒေ၊ သက်ဆိုင်ရာ လွှတ်တော် ရွေးကောက်ပွဲ ဥပဒေ နည်းဥပဒေများနှင့် ညီညွှတ်မှု မရှိသည့်အပြင် လွတ်လပ်ပြီး တရားမျှတမှုမရှိသည့် ရွေးကောက်ပွဲဖြစ်ကြောင်း စစ်ဆေးတွေ့ရှိသည့်အတွက် ယင်းရွေးကောက်ပွဲရလဒ်အား ပယ်ဖျက်ကြောင်း ရွေးကောက်ပွဲကော်မရှင်အသစ်က ဇူလိုင်လ ၂၆ ရက်တွင် ထုတ်ပြန်ကြေညာခဲ့ခြင်းဖြစ်သည်။

.

ရွေးကောက်ပွဲ ကာလမှာ လူထုဆန္ဒအရ ထွက်ပေါ်လာတဲ့ မဲရလဒ်ကို လက်ခံပါ့မယ်၊ လေးစား အသိအမှတ်ပြုပါ့မယ် ပြောထွက်ထားပြီး နောက်ပိုင်းကျမှ ကဖျက်ယဖျက် လုပ်တာမျိုးက တရားမျှတတဲ့ လုပ်ရပ်လို့ မယူဆပါဘူး။ မတရားမှုကို ဘယ်သူကပဲ လုပ်လုပ် ကျနော်တို့က လက်သင့်မခံပါဘူး” ဟု စိုင်းလိတ် ဆက်လက်ပြောဆိုခဲ့သည်။

.

အဆိုပါ ရွေးကောက်ပွဲတွင် ရှမ်းတိုင်းရင်းသားများဒီမိုကရေစီအဖွဲ့ချုပ်ပါတီက အမျိုးဟားလွှတ်တော် ကိုယ်စားလှယ် ၂ နေရာ၊ ပြည်သူ့လွှတ်တော် ၁၃ နေရာ၊ ပြည်နယ်လွှတ်တော် ၂၈ နေရာ အနိုင်ရရှိထားပြီး မြန်မာတစ်နိုင်ငံလုံးတွင် ကိုယ်စားလှယ်အရေအတွက် တတိယအများဆုံး အနိုင်ရရှိထားသည့် နိုင်ငံရေးပါတီတစ်ခုဖြစ်သည်။

.

Source – Shan News

.

Journal Download

Photo of three cats