RCSS ဌာနချုပ် လွယ်တိုင်းလျဲန်းတွင် ကောလိပ်ကျောင်း စတင်ဖွင့်လှစ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

RCSS ဌာနချုပ် လွယ်တိုင်းလျဲန်းတွင် ကောလိပ်ကျောင်း စတင်ဖွင့်လှစ်

.

ရှမ်းပြည်ပြန်လည်ထူထောင်ရေးကောင်စီ (RCSS) ဌာနချုပု်တွင် ဇူလိုင်လ ၂၄ ရက်က လွယ်တိုင်းလျဲန်းကောလိပ် (Loi Tai Leng College) ကို စတင်ဖွင့်လှစ်ခဲ့ကြောင်း သိရသည်။

.

.

နိုင်ငံအတွက် အဓိကကျသော ပညာရေးကို အဆင့်မြှင့်တင်နိုင်ရန်နှင့် လူငယ်များကို ပြုစုပျိုးထောင်နိုင်ရန်အတွက် RCSS ၏ ပညာရေးဖော်ဆောင်ရေးကော်မတီမှ ဦးဆောင်၍ အဆိုပါ လွယ်တိုင်းလျဲန်းကောလိပ်ကို စတင်ဖွင့်လှစ်ခဲ့ခြင်း ဖြစ်ကြောင်း Tai Freedom သတင်းတွင် ဖော်ပြထားသည်။

.

အခမ်းအနားတွင် RCSS ဥက္ကဋ္ဌ ဗိုလ်ချုပ်ကြီး ယွက်စစ်က ကောလိပ်ဖြစ်မြောက်ရေးအတွက် အခက်အခဲအမျိုးမျိုးကို ရင်ဆိုင်ကျော်ဖြတ်ခဲ့ရကြောင်း၊ ယခု ကောလိပ်ကျောင်း ဖွင့်လှစ်နိုင်ပြီဖြစ်ရာ လူငယ်များအတွက် ပညာရေး အခွင့်အလမ်းတစ်ခု ဖော်ဆောင်နိုင်ခဲ့ကြောင်း၊ စစ်တပ်အာဏာသိမ်းပြီးချိန်မှစ၍ ပြည်ထောင်စု မြန်မာနိုင်ငံ၏ ပညာရေးကဏ္ဍလည်း မှေးမှိန်သွားခဲ့ပြီး ဖက်ဒရယ်ပညာရေးစနစ် ပေါ်ပေါက်လာကြောင်း အဖွင့်အမှာစကား ပြောကြားခဲ့သည်။

.

ထို့နောက် RCSS ဒုဥက္ကဋ္ဌ-၁ ဗိုလ်ချုပ် စိုင်းယီက ကျောင်းသူကျောင်းသားများထံ အားပေးစကားပြောကြားခဲ့ပြီး RCSS ပညာရေး‌ဖော်ဆောင်ရေးကော်မတီ ညွန်ကြားရေးမှူး  ဗိုလ်ကြီး လန်တိုင်းမှ လွယ်တိုင်းလျဲန်းကောလိပ်ကျောင်း ဖွင့်လှစ်ရသည့် ရည်ရွယ်ချက်များကို ရှင်းလင်းပြောကြားခဲ့သည်။

.

အခမ်းအနားသို့ RCSS ဥက္ကဋ္ဌ ဗိုလ်ချုပ်ကြီးယွက်စစ်၊ ဒု-ဥက္ကဋ္ဌ ဗိုလ်ချုပ် စိုင်းယီ၊ RCSS ပညာရေး‌ဖော်ဆောင်ရေး ကော်မတီ ညွန်ကြားရေးမှူး  ဗိုလ်ကြီး လန်တိုင်း၊ ဌာနဆိုင်ရာ အကြီးအကဲများ၊ ကျောင်းသားကျောင်းသူများ နှင့် မိဘပြည်သူများ စုစုပေါင်း ၄၃၀ ဦး တက်ရောက်ခဲ့ကြောင်း သိရသည်။

.

လွယ်တိုင်းလျဲန်းကောလိပ်ကျောင်းတွင် ပထမဦးစွာ Political Science နိုင်ငံရေးသိပ္ပံဘာသာရပ်ကို အဓိကထား သင်ကြားပေးမည်ဖြစ်ပြီး ၂၀၂၁ ခုနှစ် နိုဝင်ဘာလ ၁ ရက်နေ့တွင် စတင်ဖွင့်လှစ်ကာ ၂၀၂၃ ခုနှစ်အထိ ၂ နှစ်တာ သင်ကြားပေးမည်ဖြစ်ကြောင်း သိရသည်။

.

ထို့အပြင် အစိုးရနှင့်နိုင်ငံရေးဘာသာရပ် Politics and Government ၊ ပြည်သူ့ရေးရာ စီမံခန့်ခွဲမှု ဘာသာရပ် Public Administration ၊ နိုင်ငံတကာဆက်ဆံရေး ပညာရပ် International Affairs တို့ကိုလည်း သင်ကြားပေးသွားမည် ဖြစ်ကြောင်း သိရသည်။

.

Source – Tai Freedom

.

Journal Download

Photo of three cats