ရွှေညောင်ပရဟိတကွန်ရက်မှ ရွှေညောင်မြို့ရှိ Positive လူနာများနှင့် Lockdown ချထားသူ ၁၆၀ ဦးတို့ကို ထောက်ပံ့ ကူညီ

.

တောင်ကြီးမြို့နယ်၊ ရွှေညောင်မြို့၊ ရွှေညောင်ပရဟိတကွန်ရက်မှ ရွှေညောင်မြို့ပေါ်ရှိ Positive လူနာများနှင့် Lockdown ချထားသူ ၁၆၀ ဦးတို့ကို ယနေ့ ဇူလိုင်လ ၂၅ ရက်က ဆန်နှင့် စားသောက်ကုန်များ လှူဒါန်းခဲ့ကြောင်း သိရသည်။

.

.

ထိုသို့ လှူဒါန်းရာတွင် လူတစ်ဦးလျှင် ဆန် ၃ ပြည်၊ ဆီ တစ်ပိဿာ၊ ဆား ၅၀ ကျပ်သား၊ ကြက်ဥ ၁၀ လုံး၊ ငါးသေတ္တာ တစ်ဘူး၊ Mask တစ်ထုပ်၊ ခေါက်ဆွဲ ၃ ထုပ်၊ ကြက်သွန်နီ ၅၀ ကျပ်သား၊ ကုလားပဲ ၂၅ ကျပ်သားစသည့် အခြေခံ စားသောက်ကုန်များအပြင် ခရမ်းချဉ်သီး၊ ပဲလင်းမြွေသီး၊ နဂါးမောက်သီး၊ နာနတ်သီးများကို လှူဒါန်းပေးခဲ့ကြောင်း သိရသည်။

.

ရွှေညောင်မြို့ အပါအဝင်ဖြစ်သော တောင်ကြီးမြို့နယ်တွင် ယမန်နေ့ ဇူလိုင်လ ၂၄ ရက်က COVID-19 ပိုးတွေ့လူနာ အသစ် ၁၄၃ ဦး တွေ့ရှိခဲ့ကြောင်း သိရသည်။

.

Photo – Kyaw Aye

.