ရှမ်းပြည်နယ်တွင် COVID-19 တတိယလှိုင်းကာလအတွင်း ရောဂါပိုးကူးစက်ခံရသူ တစ်သောင်းခွဲနီးပါးရှိပြီး ၄၁၄ ဦး သေဆုံးခဲ့

.

ရှမ်းပြည်နယ်တွင် COVID-19 တတိယလှိုင်းကာလ ဇွန်လ ၁ ရက်မှ ယမန်နေ့ ဇူလိုင်လ ၂၈ ရက်အထိ COVID-19 ရောဂါပိုး ကူးစက်ခံရသူ ၁၄၉၆၈ ဦး ရှိပြီဖြစ်ကြောင်း ရှမ်းပြည်နယ်အထွေထွေအုပ်ချုပ်ရေးဦးစီးဌာနမှ သိရသည်။

.

.

အဆိုပါ COVID-19 ရောဂါ ပိုးတွေ့လူနာများအနက် ၈၀၅၉ ဦးမှာ ရောဂါသက်သာ၍ ဆေးရုံမှ ဆင်းခွင့်ရခဲ့ပြီး ၄၁၄ ဦး သေဆုံးခဲ့ကာ လက်ရှိ ဆေးကုသမှု ခံယူနေဆဲလူနာ ၆၄၉၅ ဦး ရှိကြောင်း သိရသည်။

.

မြန်မာတစ်နိုင်ငံလုံးအတိုင်းအတာ အနေဖြင့် ယမန်နေ့ ဇူလိုင်လ ၂၈ ရက်အထိ COVID-19 ရောဂါ ပိုးတွေ့လူနာ စုစုပေါင်း ၂၈၄၀၉၉ ဦး တွေ့ရှိခဲ့ပြီး ၁၉၇၉၉၄ ဦးမှာ ဆေးရုံမှ ဆင်းခွင့်ရပြီဖြစ်ကာ COVID-19 ရောဂါဖြင့် သေဆုံးသူ စုစုပေါင်း ၈၂၁၀ ဦး ရှိကြောင်း သိရသည်။

.

ရှမ်းပြည်နယ်အတွင်းရှိ COVID-19 ရောဂါကာကွယ်ဆေး မထိုးနှံရသေးသူများကို ဇူလိုင်လ ၃၀ ရက်မှ စတင်၍ ဦးစားပေး အစီအစဉ်အလိုက် ကာကွယ်ဆေး ထိုးနှံပေးသွားရန်ရှိနေပြီး လက်ရှိတွင် ရှမ်းပြည်နယ်တစ်ခုလုံးအတွက် COVID-19 ကာကွယ်ဆေး လူဦးရေ ၁၈၀၀၀၀ စာ ရရှိထားကြောင်း သိရသည်။

.