မိုးနဲတွင် COVID-19 လူနာ ၂၃ ဦး ထပ်မံတွေ့ရှိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုးနဲတွင် COVID-19 လူနာ ၂၃ ဦး ထပ်မံတွေ့ရှိ

.

လင်းခေးခရိုင်၊ မိုးနဲမြို့နယ်တွင် ယမန်နေ့ တောင်ကြီးမြို့၊ ပြည်သူ့ကျန်းမာရေးဓါတ်ခွဲခန်း၏ အဖြေအရ COVID-19 ရောဂါ ပိုးတွေ့လူနာ ၂၃ ဦး ထပ်မံတွေ့ရှိခဲ့ကြောင်း သိရသည်။

.

.

မိုးနဲမြို့၊ မိုးကုတ်ရိပ်သာကျောင်းနှင့် မြို့နယ်မီးသတ်ဦးစီးဌာနတို့တွင် Quarantine ဝင်ရောက်နေသူ ၄၀ ဦးတို့၏ ဓါတ်ခွဲ နမူနာများအား ဇူလိုင်လ ၂၇ ရက်တွင် ရယူ၍ တောင်ကြီးမြို့၊ ပြည်သူ့ကျန်းမာရေး ဓါတ်ခွဲခန်းသို့ ပေးပို့စစ်ဆေးခဲ့ရာ ယမန်နေ့ ဇူလိုင်လ ၂၉ ရက်၊ ညပိုင်း ဓါတ်ခွဲခန်းအဖြေအရ အမျိုးသား ၁၆ ဦးနှင့် အမျိုးသမီး ၇ ဦး၊ စုစုပေါင်း ၂၃ ဦး တို့တွင် COVID-19 ရောဂါပိုး တွေ့ရှိခဲ့ခြင်းဖြစ်ကြောင်း သိရသည်။

.

အဆိုပါ ပိုးတွေ့လူနာများအား မိုးနဲမြို့နယ် ပြည်သူ့ဆေးရုံ Isolation Ward သို့ ပြောင်းရွှေ့ပြီး ဆေးကုသမှု ပေးလျက်ရှိ ကာ ပိုးတွေ့သူအားလုံး ကျန်းမာရေးကောင်းမွန်လျက်ရှိကြောင်း သိရသည်။

.

မိုးနဲမြို့နယ်တွင် ယနေ့ ဇူလိုင်လ ၃၀ ရက်အထိ COVID-19 ရောဂါ ပိုးတွေ့လူနာ ၅၀ ဦး ရှိလာပြီဖြစ်ပြီး ယင်းလူနာ များအနက် ဆေးရုံမှ ဆင်းခွင့်ရသူ ၁၂ ဦးနှင့် သေဆုံးသူ တစ်ဦး ရှိခဲ့ကြောင်း သိရသည်။

.

မျိုးညွန့်ရွှေ (မိုးနဲ)

.

Journal Download

Photo of three cats