.
လင်းခေးခရိုင်၊ မိုးနဲမြို့နယ်
ပြည်သူ့ဆေးရုံ ၂ ထပ် တိုးချဲ့လူနာဆောင်သစ် တည်ဆောက်မှု ၉၅ ရာခိုင်နှုန်း ပြီးစီးနေပြီ
ဖြစ်ကြောင်း သိရသည်။
.
အဆိုပါနှစ်ထပ်တိုးချဲ့လူနာဆောင်သစ်ကို
၂၀၁၉-၂၀၂၀ ဘဏ္ဍာရေးနှစ် ခွင့်ပြုရန်ပုံငွေကျပ် ၁၉၃ ဒသမ ၆၀ သန်း၊ ၂၀၂၀-၂၀၂၁
ဘဏ္ဍာရေးနှစ် ခွင့်ပြုရန်ပုံငွေ ၂၈၁ ဒသမ ၄၃ သန်း ၊စုစုပေါင်း ခွင့်ပြရန်ပုံငွေကျပ်
၄၇၅ ဒသမ ၀၃ သန်းဖြင့် ၂၀၂၀ ပြည့်နှစ်အတွင်း တည်ဆောက်ခဲ့ခြင်းဖြစ်ကြောင်း သိရသည်။
.
အဆောက်အဦမှာ အလျား
၁၄၃ ပေ ၊အနံ ၉၈ ပေ ၊အာစီ အမျိုးအစား နှစ်ထပ်အဆောက်အဦ ဖြစ်ပြီး ချယ်ရီဘုရင်မ တည်ဆောက်ရေးကုမ္ပဏီက
တာဝန်ယူတည်ဆောက်ခဲ့ခြင်းဖြစ်ကြောင်း သိရသည်။
.
အဆိုပါ
ဆေးရုံတည်ဆောက်မှုအား မြို့နယ်တည်ဆောက်ရေးလုပ်ငန်းကော်မတီမှ စဉ်ဆက်မပြတ်
ကြည့်ရှုစစ်ဆေး ဆောင်ရွက်ပေးလျက်ရှိပြီး တိုးချဲ့လူနာဆောင်
ရာနှုန်းပြည့်တည်ဆောက်ပြီးစီးသွားပါက ကျန်းမာရေး စောင့်ရှောက်မှုများကို
ပိုမိုအဆင်ပြေစွာဆောင်ရွက်ပေးနိုင် မည်ဖြစ်ကြောင်း သိရသည်။
.
မျိုးညွန့်ရွှေ (မိုးနဲ)
.
