တောင်ကြီး၌ စေတနာရှင်များက ကြက်ဥ ၁၀ လုံး၊ ဆန် တစ်ပြည်၊ ဆီ တစ်ဗူးကို ၃၀၀ ကျပ်ဖြင့် လှူဒါန်း ရောင်းချ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တောင်ကြီး၌ စေတနာရှင်များက ကြက်ဥ ၁၀ လုံး၊ ဆန် တစ်ပြည်၊ ဆီ တစ်ဗူးကို ၃၀၀ ကျပ်ဖြင့် လှူဒါန်း ရောင်းချ


တောင်ကြီးမြို့၌ ယနေ့ ဇူလိုင်လ ၃၁ ရက်၊ နံနက်ပိုင်းတွင် စေတနာရှင် ပြည်သူများက အခြေခံ လူတန်းစား ပြည်သူများအတွက် ကြက်ဥ ၁၀ လုံး၊ ဆန် တစ်ပြည်၊ ဆီ တစ်ဗူးကို ၃၀၀ ကျပ်ဖြင့် လှူဒါန်း ရောင်းချပေးခဲ့ကြောင်း သိရသည်။

.

" နောက်ထပ် ဆူကာရွက်၊ ချဉ်ပေါင်ရွက်၊ ခရမ်းချဉ်သီး၊ ဆပ်ပြာ၊ ဆား၊ ဂေါ်ဖီထုပ်၊ မုန့်ထုပ်၊ ကြက်သွန်နီနဲ့ တခြား လိုအပ်တာတွေကိုလည်း သွားရောက် လှူတန်းမှာ ဖြစ်ပါတယ်ခင်ဗျာ။" လှူဒါန်းမှု ပြုလုပ်ရာတွင် ပါဝင်သူ ကိုအောင်မျိုးဝင်း (မဦး မြေကွက် အရစ်ကျ) က ပြောသည်။

.

တောင်ကြီးမြို့၊ စိန်ပန်းရပ်ကွက် အတွင်းရှိ အိမ်ထောင်စုပေါင်း ၁၄၀ အတွက် လှူဒါန်း ရောင်းချ ပေးခဲ့ခြင်း ဖြစ်ပြီး အခြား ရပ်ကွက်များသို့ လှူဒါန်းရန် အတွက် စီစဉ်ထားကြောင်း သိရသည်။

.



" ရည်ရွယ်ချက်က ခုလိုကာလမှာ အခက်အခဲ ဖြစ်နေတဲ့ လူတွေကို တစ်ဘက်တစ်လမ်းကနေ တတ်နိုင်သလောက် ကူညီတာပါ။ တစ်ရပ်ကွက် ချင်းစီ လှူနိုင်ဖို့လည်း ကြိုးစားသွားပါမယ်။" ဟု ကိုအောင်မျိုးဝင်း က ရှင်းပြသည်။

.

တောင်ကြီးမြို့နယ်ကို COVID-19 ကူးစက် ပျံ့နှံ့မှု ထိန်းချုပ်နိုင်ရန်အတွက် ဇူလိုင်လ ၂၆ ရက်မှ စတင်၍ Stay at Home ကြေညာထားခြင်း ဖြစ်ပြီး စားသောက်ရေး ခက်ခဲသူများ ရှိလာနေသည့် အတွက် စေတနာရှင်ပြည်သူများက ထောက်ပံ့ လှူဒါန်းမှုများကို ပြုလုပ်နေကြခြင်း ဖြစ်သည်။

Journal Download

Photo of three cats