တာချီလိတ်မြို့နယ်အတွင်းရှိ ဈေးများအားလုံး ဆက်လက်ပိတ်ထားရန် ကြေညာ

.

တာချီလိတ်မြို့နယ်အတွင်းရှိ ဈေးများအားလုံး ဆက်လက်ပိတ်ထားရန် မြို့နယ်စည်ပင်သာယာရေးဌာနက ဇူလိုင်လ ၁၉ ရက်တွင် အသိပေးကြေညာထားသည်ဟု သိရသည်။

.

.

တာချီလိတ်မြို့တွင် COVID-19 ရောဂါ ကူးစက်ပြန့်ပွားမှု မြင့်တက်လာသည့်အတွက် မြို့နယ်အတွင်းရှိ စည်ပင် သာယာပိုင်ဈေးများနှင့် ပုဂ္ဂလိကဈေးများအားလုံးကို ဇူလိုင်လ ၇ ရက်မှ ၂၀ ရက်အထိ ယာယီပိတ်ထားရန် ညွှန်ကြား ထားခဲ့ပြီးဖြစ်သော်လည်း ကျန်းမာရေးနှင့် အားကစားဝန်ကြီးဌာနက တာချီလိတ်မြို့နယ်အား ဇူလိုင်လ ၁၃ ရက်တွင် Stay at Home မြို့နယ်အဖြစ် သတ်မှတ်ကြေညာထားသဖြင့် ယင်းကာလအတွက် ဆက်လက်ပိတ်ထားရန် ထပ်မံ ညွှန်ကြားခြင်းဖြစ်ကြောင်း သိရသည်။

.

ယင်းကဲ့သို့ ဈေးများအားလုံးကို ယာယီပိတ်ထားရန် ညွှန်ကြားထားသော်လည်း နေ့စဉ် စားသုံးကုန်များဖြစ်သည့် ဟင်းသီး၊ ဟင်းရွက်၊ သား/ငါး၊ ပျံကျဈေးသည်များကိုမူ နေ့စဉ် နံနက် ၁၁ နာရီအချိန်ထိ သတ်မှတ်စည်းကမ်းချက် များနှင့်အညီ ရောင်းချ ခွင့်ပြုသွားမည်ဖြစ်ကြောင်း သိရသည်။

.

တာချီလိတ်မြို့နယ်တွင် ယမန်နေ့ ဇူလိုင်လ ၁၉ ရက်၊ ညပိုင်းအထိ ဆေးကုသမှုခံယူဆဲ COVID-19 ပိုးတွေ့လူနာ ၅၀၀ ဦးခန့် ရှိနေပြီး သေဆုံးသူ ၂ ဦး ရှိခဲ့ကာ ယင်းပိုးတွေ့လူနာများကို ခရိုင်ပြည်သူ့ဆေးရုံကြီး၊ ခရိုင်ပြည်သူ့ဆေးရုံဟောင်း၊ မိုးကုတ်ဝိပဿနာဓမ္မရိပ်သာ၊ မိုးလုံလေလုံအားကစားရုံနှင့် ဝမ်လုံး Quarantine Center တို့တွင် ထားရှိကုသပေးလျက် ရှိကြောင်း သိရသည်။

.