နေရပ်ပြန်လိုသည့် လာအိုရောက် မြန်မာလုပ်သားများကို ၂ သုတ်ခွဲ၍ ခေါ်ယူမည် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

နေရပ်ပြန်လိုသည့် လာအိုရောက် မြန်မာလုပ်သားများကို ၂ သုတ်ခွဲ၍ ခေါ်ယူမည်

.

လာအိုနိုင်ငံ၌ ရောက်ရှိအလုပ်လုပ်ကိုင်နေပြီး နေရပ်ပြန်လိုသည့် မြန်မာလုပ်သန်းများကို ရှမ်းပြည်နယ်အရှေ့ပိုင်း၊ တာချီလိတ်မြို့ရှိ နယ်စပ်ဝင်ပေါက်မှတစ်ဆင့် ဇူလိုင်လ ၃၀ ရက်နှင့် ဩဂုတ်လ ၁ ရက်တို့တွင် ၂ သုတ်ခွဲ၍ ပြန်လည် ခေါ်ယူသွားမည်ဖြစ်ကြောင်း နယ်ခြားကော်မတီထံက သိရသည်။

.

.

လာအိုနိုင်ငံမှ နေရပ်ပြန်လိုသည့် မြန်မာနိုင်ငံသား ၂၅၀ ဦးအား ပြန်လာနိုင်​ရေးအတွက် ဝစီပိတ်ဆရာ​​တော်၏ ဦးဆောင်မှုဖြင့် တာချီလိတ်ခရိုင် တာဝန်ရှိသူများက လာအိုနိုင်ငံမှ တာဝန်ရှိသူများနှင့် ​ယ​နေ့ ဇူလိုင်လ ၂၉ ရက်၊ နံနက်ပိုင်းတွင် ဝမ်ပုံဆိပ်ကမ်း၌ တွေ့ဆုံ​ဆွေး​နွေးခဲ့​ကြောင်း သိရသည်။

.

"လက်ရှိရထားတဲ့ စာရင်းအရ ဇူလိုင် ၃၀ ရက်​မှာ ပထမတသုတ် လူ ၁၀၀) ခေါ်မယ်။ ဒုတိယအသုတ်အ​နေနဲ့ ၂ ရက်အကြာ သြဂုတ်လ ၁ ရက်​​မှာ ၁၅၀ ဦးကို ပြန်လည်​ခေါ်​ဆောင်နိုင်ရန် စီစဥ်ထားတယ်"ဟု နယ်ခြားကော်မတီမှ ဆက်ဆံရေးအရာရှိ ဦးဘိုလေးက ယင်းဆွေးနွေးပွဲ၌ ပြောကြားခဲ့ကြောင်း သိရသည်။

.

လာအိုနိုင်ငံမှ ​နေရပ်ပြန်များကို အခက်အခဲများတွေ့ကြုံ​နေရသဖြင့် ပြန်လာနိုင်ရန်အတွက် တာချီလိတ်ခရိုင်မှ ဌာနဆိုင်ရာတာဝန်ရှိသူများက လာအိုနိုင်ငံမှတာဝန်ရှိသူများနှင့် ချိတ်ဆက်ကာ ​ညှိုနှိုင်းဆောင်ရွက်ခဲ့ကြခြင်း ဖြစ်သည်။

.

မြန်မာနိုင်ငံသို့ ပြန်လည်လာ​ရောက်မည့်သူများကို လာအိုနိုင်ငံမှမပြန်မီ ဇူလိုင် ၂၉ ရက်​၊ ညပိုင်း၌ ​COVID-19 ​ရောဂါဆေးစစ်ခြင်းထပ်မံပြုလုပ်​ပေးမည် ဖြစ်​ကြောင်း သိရသည်။

.

အဆိုပါမြန်မာရွေ့ပြောင်းအလုပ်သမားများကို လက်ခံဆောင်ရွက်ရာတွင် COVID-19 ရောဂါပိုးရှိ/မရှိ စစ်ဆေး ဆောင်ရွက်၍ ရောဂါပိုးရှိသူများကို လက်ခံထားရှိ ဆေးကုသဆောင်ရွက်နိုင်ရန်အတွက် ဝမ်လုံး Positive Center ထားရှိမည်ဖြစ်ကာ ရောဂါမရှိသူများအား ၎င်းတို့နေထိုင်ရာ တိုင်းဒေသကြီး/ပြည်နယ်များသို့ တိုက်ရိုက်စေလွှတ်သွားမည်ဖြစ်ကြောင်း သိရသည်။

.

Journal Download

Photo of three cats