မိုင်းပျဉ်းမြို့နယ်အတွင်း တောင်ကျရေတိုက်စားမှုကြောင့် ရှမ်းရှေ့နှင့် ရှမ်းတောင် လမ်းပန်းဆက်သွယ်ရေး ပြတ်တောက်နေ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, July 22, 2021

မိုင်းပျဉ်းမြို့နယ်အတွင်း တောင်ကျရေတိုက်စားမှုကြောင့် ရှမ်းရှေ့နှင့် ရှမ်းတောင် လမ်းပန်းဆက်သွယ်ရေး ပြတ်တောက်နေ

.

မိုင်းပျဉ်းမြို့နယ်၊ တာကောဟွေဟင် (၉) မိုင်ရွာနှင့်ဝန်းကျင်၌ ယမန်နေ့ ဇူလိုင်လ ၂၁ ရက်က တောင်ကျရေတိုက်စားမှု ကြောင့် တံတားတစ်စင်းနှင့် လမ်းပိုင်းပျက်စီးသွားသည့်အတွက် ယနေ့ ဇူလိုင်လ ၂၂ ရက်တွင် ရှမ်းပြည်နယ် အရှေ့ပိုင်း နှင့် ရှမ်းပြည်နယ်တောင်ပိုင်း လမ်းပန်းဆက်သွယ်ရေး ပြတ်တောက်လျက်ရှိကြောင်း သိရသည်။

.

.

“ဒီနေ့အထိတော့ သွားလာလို့ မရသေးဘူး။ နောက် တစ်ရက် နှစ်ရက်နေရင်တော့ ရလောက်ပြီကြားပါတယ်"ဟု ဒေသခံတစ်ဦးက တာချီလိတ်သတင်းအေဂျင်စီသို့ ဇူလိုင်လ ၂၂ ရက် နံနက်ပိုင်းက ပြောသည်။

.

မိုးရွာသွန်းပြီး တောင်ကျရေတိုက်စားမှုကြောင့် တာကောဟွေဟင် (၉) မိုင်ရွာအနီး ပလောင်ကုန်းဆာတက်သည့် တံတားမှာ ပျက်စီးသွားသည့်အပြင် ကျေးရွာအိမ်ခြေများအတွင်း ရွှံ့နွံသစ်ပင်သစ်ကိုင်းအမှိုက်များဖြင့်စီးဝင်လာသည့် တောင်ကျရေ တိုက်စားခံရပြီး လူ ၁၁ ဦးသေဆုံးသည်ဟု သိရသည်။

.

လူသေဆုံးမှုအရေအတွက်မှာ ဒေသခံအချို့က လူမှုကွန်ယက်တွင် ဖေါ်ပြထားသည့်အရေအတွက်သာဖြစ်ပြီး သတင်းဌာနအနေဖြင့် သီးခြားအတည်ပြုချက်ရထားခြင်းမရှိပါ။

.

Source – TachileikNewsAgency

.

Photo - Sai Arkar Smith

.

No comments:

Post a Comment

Journal Download

Photo of three cats