တောင်ကြီးတွင် အာဏာသိမ်းမှု အလိုမရှိကြောင်း ၃၆ ရက်ဆက် ဆန္ဒပြ

.

မြို့တော်တောင်ကြီးတွင် အာဏာသိမ်းစစ်ကောင်စီ၏ လက်နက်ကိုင်တပ်ဖွဲ့များမှ အကြမ်းဖက် ဖြိုခွဲမှုများ ရှိနေသော်လည်း ယနေ့ မတ်လ ၁၄ ရက်တွင် စစ်အာဏာသိမ်းမှု အလိုမရှိကြောင်း ဆန္ဒပြမှုကို ၃၆ ရက်မြောက်အဖြစ် ဆက်လက် ပြုလုပ်ခဲ့ကြောင်း သိရသည်။

.

.

ဆန္ဒပြ ပြည်သူများသည် တောင်ကြီးမြို့ပေါ်ရှိ ရပ်ကွက်တွင်း လမ်းသွယ်များ၌ စစ်အာဏာရှင် ဆန့်ကျင်ရေး၊ ဝန်ထမ်းများ CDM ပါဝင်ရေး၊ ဖမ်းဆီးခံရသူများ ပြန်လွှတ်ပေးရန် စသည့်ကြွေးကြော်သံ/ဆိုင်းဘုတ်များဖြင့် ငြိမ်းချမ်းစွာ စီတန်း လမ်းလျှောက်ခဲ့ကြခြင်း ဖြစ်သည်။

.

ထို့အပြင် တောင်ကြီးမြို့ပေါ်တွင် နေ့စဉ် နေ့လယ်ပိုင်း၌ ‌မော်တော်ဆိုင်ကယ်များဖြင့် ဆန္ဒထုတ်ဖော်မှုများ၊ ည ၈ နာရီတွင် သံပုံးတီး ဆန္ဒထုတ်ဖော်ခြင်း၊ နေအိမ်များအတွင်းမှ ကြွေးကြော်ဆန္ဒထုတ်ဖော်ခြင်းတို့ကိုလည်း ပြည်သူများက နေ့စဉ် ပြုလုပ်လျက်ရှိကြောင်း သိရသည်။

.