ညောင်ရွှေတွင် CDM ဝန်ထမ်းများ ထောက်ပံ့နိုင်ရေးအတွက် စျေးရောင်းပွဲ ပြုလုပ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ညောင်ရွှေတွင် CDM ဝန်ထမ်းများ ထောက်ပံ့နိုင်ရေးအတွက် စျေးရောင်းပွဲ ပြုလုပ်

ညောင်ရွှေမြို့၊ ကျောက်တိုင်ကွင်း အတွင်းရှိ ဖူဆယ်ကွင်းအရှေ့ဘက်တွင် CDM ဝန်ထမ်းများအား ထောက်ပံ့နိုင်ရေးအတွက် နွေဦး စျေးရောင်းပွဲတော်ကို ပြုလုပ်​နေကြောင်း သိရသည်။

.




အဆိုပါ စျေးရောင်းပွဲတော်မှ ရောင်းချ၍ ရသမျှ အမြတ်ငွေ အားလုံးကို CDM ဝန်ထမ်းများသို့ လှူဒါန်းသွားမည်ဖြစ်ကြောင်းနှင့် ရင်းနှီး​ငွေကိုမူ စေတနာရှိသလောက် လှူဒါန်းခွင့် ရမည် ဖြစ်ကြောင်း သိရသည်။

.

ရောင်းချ​နေသည့် ပစ္စည်း အမျိုးအမည်များမှာ လက်မှုပစ္စည်းများ၊ သိုးမွေးချည်ဖြင့် ထိုးရက် ပြုလုပ်သော ပစ္စည်းများ၊ ပန်းချီကားများနှင့် ကဗျာများ (ပုံတူပန်းချီ၊ ရုပ်ပြောင်ပန်းချီ၊ ကျောက်တုံးပေါ်တွင် ရေးသော ပန်းချီ၊ ကြိုက်နှစ်သက်ရာ ပုံများအတွက် သုံးကြောင်း ကဗျာရေးပေးခြင်း)၊ အစားအသောက်နှင့် တက်တူး ထိုး​ပေးခြင်း၊  Unplugged Show ဖြင့် သီဆို ဖျော်ဖြေခြင်းများကိုလည်း လုပ်ဆောင်လျက် ရှိကြောင်း သိရသည်။

.

ထို့အတူ ညောင်ရွှေမြို့ရှိ CDM ဝန်ထမ်းများအတွက် ယ​နေ့ မတ်လ ၆ ရက်၊ နေ့လယ်ပိုင်းက တောင်ကြီးမြို့ (နွေဦးအလှူ ၁၀၀% အဖွဲ့ )က ဆန်၊ ဆီ၊ ဆား၊ ခေါက်ဆွဲထုပ်များကို လာ​ရောက် လှူဒါန်းပြီး​နောက် တေးဂီတဖျော်ဖြေမှု ပြုလုပ်ကာ CDM အတွက် အလှူခံခဲ့ရာမှ ရရှိသည့် ​ငွေကျပ် ၃၂၈၆၅၀ အား ညောင်ရွှေမြို့ မြို့မိမြို့ဖများထံ ပြန်လည် လှူဒါန်းခဲ့ကြောင်း သိရသည်။

Journal Download

Photo of three cats