ညောင်ရွှေတွင် CDM ဝန်ထမ်းများအား ပထမဆုံးအကြိမ် ထောက်ပံ့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ညောင်ရွှေတွင် CDM ဝန်ထမ်းများအား ပထမဆုံးအကြိမ် ထောက်ပံ့

ကမ္ဘောဇတိုင်း

.

ညောင်ရွှေမြို့နယ်မှ CDM ဝန်ထမ်း ၃၂ ဦးအား ညောင်ရွှေ CDM ထောက်ပံ့ရေးအဖွဲ့က ယနေ့ မတ်လ ၂ ရက်တွင် ပထမဆုံးအကြိမ်အဖြစ် ထောက်ပံ့ငွေများ ပေးအပ်ခဲ့ကြောင်း သိရသည်။

.

.

စစ်အာဏာရှင်တိုက်ဖျက်ရေး၊ ဒီမိုကရေစီရှင်သန်ရေးကို ဦးတည်သော နွေဦးတော်လှန်ရေး၏ အဓိက မဏ္ဍိုင် တစ်ရပ်ဖြစ်သည့် Civil Disobedience Movement (CDM) တွင်တက်ကြွစွာ၊ တာဝန်ကျေပွန်စွာ လှုပ်ရှားပေးကြသော ညောင်ရွှေမြို့နယ် သူရဲကောင်းဝန်ထမ်းများအနက်မှ ပထမအသုတ်အနေဖြင့် CDM ဝန်ထမ်း ၃၂ ဦးကို ဂုဏ်ပြု​ထောက်ပံ့ငွေ ပထမအရစ်အဖြစ် တစ်ဦးလျှင် ၇၀၀၀၀ ကျပ် နှုန်းဖြင့် စုစုပေါင်း ငွေကျပ် ၂၂ ဒသမ ၄ သိန်းကို ပေးအပ်ခဲ့ ခြင်းဖြစ်ကြောင်း ထောက်ပံ့ရေးအဖွဲ့ ထံက သိရသည်။

.

“မနေ့က စပေးတာပါ။ နောက်ထပ်ရရှိလာမယ့်အပေါ်မူတည်ပြီး ဆက်ပေးသွားမှာပါ။ စာအိတ်တွေနဲ့လိုက်ပေးတာပါ။ ကျန်ခဲ့တဲ့ CDM ဝန်ထမ်းတွေရှိရင် Viber၊ မက်ဆင်ဂျာ၊ ဖုန်းတွေနဲ့ဆက်သွယ်နိုင်ပါတယ်ဟု ထောက်ပံရေးအဖွဲ့ တာဝန်ရှိသူတစ်ဦးက ပြောသည်။

.

ကျန် CDM လှုပ်ရှားမှုတွင် ပါဝင်နေသည့် ပြည်သူ့ဝန်ထမ်းများအတွက်လည်း အမြန်ဆုံးဂုဏ်ပြုကူညီပေးနိုင်ရန် Support Nyaung Shwe အဖွဲ့မှ ဆောင်ရွက်လျက်ရှိကြောင်းနှင့် အကူအညီလိုအပ်လျက်ရှိသော ဝန်ထမ်းများ အနေဖြင့် Support Nyaung Shwe Page Message Box သို့လည်းကောင်း ဖုန်းနံပါတ် ၀၉၇၇၈၇၅၂၅၇၅ သို့ ဖုန်း သို့မဟုတ် Viber ဖြင့်လည်းကောင်း ဆက်သွယ်အကူအညီတောင်းခံနိုင်ကြောင်း သိရသည်။

.

Journal Download

Photo of three cats