တာချီလိတ်၌ သတင်းရဲတပ်ဖွဲ့ဝင် တစ်ဦး CDM တွင် ပါဝင်လာ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တာချီလိတ်၌ သတင်းရဲတပ်ဖွဲ့ဝင် တစ်ဦး CDM တွင် ပါဝင်လာ

.

တာချီလိတ်မြို့ရှိ သတင်းရဲတပ်ဖွဲ့၊ အမှတ် (၁၆) တပ်ဖွဲ့ခွဲ (နယ်စပ်ဒေသ) မှ ရဲတပ်သားတစ်ဦးသည် ပြည်သူနှင့်အတူ ပူးပေါင်းကာ အကြမ်းမဖက်အာဏာဖီဆန်မှု (Civil Disobedence Movement) လုပ်ဆောင်လိုကြောင်း ယနေ့ မတ်လ ၁၆ ရက်တွင် အထက်ဌာနများသို့ တင်ပြခဲ့သည်ဟု သိရသည်။

.


.

အမှတ် (၁၆) တပ်ဖွဲ့ခွဲ (နယ်စပ်ဒေသ) မှ ရဲတပ်သား ဇာနည်ထွန်းသည် စစ်ကောင်စီမှ ပြည်သူများအပေါ် မတရား သဖြင့် လက်နက်အားကိုးပြီး အနိုင်ကျင့်နေမှုများအပေါ် မကျေနပ်သဖြင့် စစ်ကောင်စီမှ မတရားအမိန့်ပေး စေခိုင်းခြင်း များကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ လုံးဝ မလိုက်နာနိုင်သည့်အတွက် ယင်းကဲ့သို့ CDM လှုပ်ရှားမှုတွင် ပါဝင် ခြင်းဖြစ်ကြောင်း ၎င်း၏ တင်ပြစာတွင် ဖော်ပြထားသည်။

.

တာချီလိတ်မြို့တွင် ကျန်းမာရေး၊ ပညာရေး၊ စည်ပင် အပါအဝင် ဌာနဆိုင်ရာ ဝန်ထမ်းစုစုပေါင်း ၇၀၀ ကျော် CDM တွင် ပါဝင်ဆောင်ရွက်လျက်ရှိပြီး ပညာရေးနှင့် ကျန်းမာရေးဌာန ဝန်ထမ်းများမှာ CDM အများဆုံးဖြစ်ကြောင်း သိရသည်။

.


Journal Download

Photo of three cats