CDM တွင် ပါဝင်သည့် တောင်ကြီးမြို့မှဝန်ထမ်းများ နေအိမ်လိုင်းခန်းမှ ဖယ်ရှားခိုင်း - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

CDM တွင် ပါဝင်သည့် တောင်ကြီးမြို့မှဝန်ထမ်းများ နေအိမ်လိုင်းခန်းမှ ဖယ်ရှားခိုင်း

.

တောင်ကြီးမြို့၊ သစ်တောရပ်ကွက်၊ အမျိုးသမီးနှင့် ကလေးဆေးရုံအနီးရှိ ပြည်နယ်ကျန်းမာရေးဝန်ထမ်းအိမ်ရာအတွင်း နေထိုင်သော ဝန်ထမ်းများအနက် CDM လှုပ်ရှားမှုတွင် ပါဝင်သည့် ဝန်ထမ်းများကို ယနေ့ မတ်လ ၁၄ ရက်အပြီး နေအိမ်လိုင်းခန်းများမှ ဖယ်ရှားရန် ဖိအားပေးလာသဖြင့် ပြောင်းရွှေ့လျက်ရှိကြောင်း သိရသည်။

.

.

“ဖယ်ခိုင်းတာပါ။ မနက်ဖြန် ရုံးတက်မယ့်သူဆိုရင် နေ၊ မတက်မယ့်သူဆိုရင် ဖယ် လို့ ပြောပါတယ်။ ဒီနေ့ အပြီး ရွှေ့ပေး ရတာပါ။ ရွှေ့ရတဲ့သူ တော်တော်များပါတယ်။ ရုတ်တရက်ဆိုတော့ နိုင်သလောက်ပဲ သယ်ရတာပေါ့။ ကူညီထောက်ပံ့ ပေးနေတဲ့ အဖွဲ့အစည်းတွေအနေနဲ့လည်း တတ်နိုင်သလောက် ကူညီပေးရင်တော့ ကောင်းတာပေါ့” ဟု နေအိမ်လိုင်းခန်း ပြောင်းရွှေ့ခံရသူ ဝန်ထမ်းတစ်ဦးက ပြောသည်။

.

အဆိုပါ အမျိုးသမီးနှင့် ကလေးဆေးရုံဝင်းမှ ဝန်ထမ်းများအပြင် မြို့နယ်ကျန်းမာရေးဦးစီးဌာန၊ အဆုတ်ဆေးရုံဝင်း အတွင်းမှ CDM ဝန်ထမ်းများလည်း နေအိမ်လိုင်းခန်းမှ ဖယ်ရှားခံရပြီး အမြန်ဆုံး ပြောင်းရွှေ့နိုင်ရေးအတွက် တောင်ကြီးမြို့မှ ပရဟိတကားများဖြင့် သွားရောက်ကူညီဆောင်ရွက်လျက်ရှိကြောင်း သိရသည်။

.

တောင်ကြီးမြို့၊ အမျိုးသမီးနှင့်ကလေးဆေးရုံတွင် CDM ပြုလုပ်သူဝန်ထမ်း ၁၈၀ ခန့် ရှိကြောင်း သိရသည်။

.

Journal Download

Photo of three cats