တောင်ကြီးမြို့ပေါ်မှ CDM ဝန်ထမ်း ၂၈ ဦးကို TGI CDM Foundation က ယခု ရက်ပိုင်းအတွင်း သီးခြားစီ ဂုဏ်ပြု ထောက်ပံ့မှုများ ပြုလုပ်ခဲ့ကြောင်း သိရသည်။
.
CDM ဝန်ထမ်း ၂၈ ဦး အတွက် စုစုပေါင်း ငွေကျပ် ၁၂၈၇၀၀၀ ကို ယင်းဖောင်ဒေးရှင်းက လှူဒါန်းခဲ့ခြင်း ဖြစ်ပြီး အမှန်တကယ် အကူအညီ လိုအပ်သည့် အောက်ခြေဝန်ထမ်းများကို အဓိကထား၍ ထောက်ပံ့ခဲ့ခြင်း ဖြစ်ကြောင်း သိရသည်။
.
" နိုင်ငံသား တစ်ယောက်အနေနဲ့ တတ်နိုင်တဲ့ဘက်ကပါဝင်ချင်လို့ စေတနာ အရင်းခံပြီး စတဲ့ foundation လေး ဖြစ်ပါတယ်။ ကိုယ်ကျိုးအတွက် မကြည့်ဘဲ နိုင်ငံအကျိုးအတွက် တာဝန် ကျေချင်လို့ ကိုယ်စွမ်း၊ ဥာဏ်စွမ်းရှိသလောက် ပါဝင်တာ ဖြစ်ပါတယ်။ CDM Heros အခက်အခဲ ဖြစ်နေတဲ့လူတွေကို နည်းနည်းလေး ဖြစ်ဖြစ် အဆင်ပြေစေချင်လို့ Team ဖွဲ့ခဲ့ကြတာလည်း ဖြစ်ပါတယ်။" ဟု Tgi CDM Foundation မှ အဖွဲ့ဝင် တစ်ဦးက ရည်ရွယ်ချက်အား ကမ္ဘောဇတိုင်းသို့ ပြောသည်။
.
ဖောင်ဒေးရှင်း ရှိသည်ကို သိရှိသူ နည်းပါးမှုကြောင့် လက်ရှိတွင် အလှူငွေ ရရှိ နေသေးသည့်အတွက် ဒုတိယအကြိမ် ထပ်မံလှူဒါန်းရန် အခက်အခဲ ရှိနေသော်လည်း အတတ်နိုင်ဆုံး ကြိုးပမ်းသွားမည် ဖြစ်ကြောင်းနှင့် ဝန်ထမ်းများ အနေဖြင့်လည်း CDM တွင် ပါဝင်ကြရန် ဖောင်ဒေးရှင်း အဖွဲ့ဝင် Gen Z များက ဆိုသည်။
.
အဆိုပါ TGI CDM Foundation သို့ ဆက်သွယ် လှူဒါန်္းမှုများ ပြုလုပ်လိုပါက https://www.facebook.com/Tgi-CDM-Foundation-106952331440192/ မှ တဆင့် ဆက်သွယ် ဆောင်ရွက်နိုင်ကြောင်း သိရသည်။
