စစ်အာဏာသိမ်းမှု ၅၇ ရက်အတွင်း ကျဆုံးပြည်သူ ၅၁၀ ရှိလာ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

စစ်အာဏာသိမ်းမှု ၅၇ ရက်အတွင်း ကျဆုံးပြည်သူ ၅၁၀ ရှိလာ

အာဏာသိမ်းမှု ၅၇ ရက်အကြာမြန်မာ့နွေဦး တော်လှန်ရေးကာလအတွင်း စစ်ကောင်စီ လက်နက်ကိုင်အဖွဲ့၏ ပစ်ခတ်သတ်ဖြတ်မှုကြောင့် ပြည်သူ စုစုပေါင်း ၅၁၀ ဦး ကျဆုံးခဲ့ကြောင်း နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP) က ထုတ်ပြန်ခဲ့သည်။

.



AAPP မှ ကောက်ယူခဲ့‌သည့် အဆိုပါ စာရင်းသည် ဖေဖော်ဝါရီလ ၁ ရက်မှ မတ်လ ၂၉ ရက်အထိ စစ်အာဏာသိမ်းမှု ၅၇ ရက်အတွင်း မှတ်တမ်းပြုစုထားခြင်း ဖြစ်ပြီး အမှန်တကယ် ကျဆုံးသူများဟာ ယခုထက် ပို များနိုင်ကြောင်းလည်း ဖော်ပြထားသည်။

.

ထို့အတူ ဖမ်းဆီးချုပ်နှောင် ခံထားရသူ စုစုပေါင်း ၂၅၇၄ ဦး ရှိနေပြီ ဖြစ်ကာ ယင်းအနက် ၃၇ ဦးမှာ ထောင်ဒဏ် ချမှတ် အမှုဖွင့်ခံထားရပြီး ဖမ်းဝရမ်း ထုတ်ခံထားရသည့်အတွက် တိမ်းရှောင်နေသူ ၁၂၀ ဦးနှင့် ယခု ရက်ပိုင်းတွေအတွင်း ပြန်လည်လွတ်မြောက်လာသူများလည်း ရှိကြောင်း ထုတ်ပြန်ချက်အရ သိရသည်။         

.

နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP)အနေဖြင့် လက်ရှိ အခြေအနေမျကို နေ့စဉ် စောင့်ကြည့်မှတ်တမ်းတင် နေလျက်ရှိရာ စစ်အာဏာသိမ်းမှုနှင့်ပတ်သက်၍ ဖမ်းဆီး၊ တရားစွဲဆို၊ ပြစ်ဒဏ် ချမှတ်ခံ ထားရသူစာရင်းကို နေ့စဉ် ထုတ်ပြန်နေခြင်း ဖြစ်သည်။

.

အရပ်ဘက်အဖွဲ့အစည်း ခေါင်းဆောင်များ၊ အရပ်သားများ၊ တက်ကြွလှုပ် ရှားသူများ၊ သတင်းသမားများ၊ CDM လှုပ်ရှားနေသူ ဝန်ထမ်းများ စသည့် နယ်ပယ်အသီးသီးမှ မည်သူမဆို ဖမ်းဆီး၊ ထိန်းသိမ်း၊ တရားစွဲဆို ခံထားရခြင်းအား သိရှိပါက ဆက်သွယ် အသိပေး၊ အကြောင်းကြားရန်လည်း AAPP ကအသိပေးထားသည်။

.

ထို့အပြင် ဥပဒေပိုင်းဆိုင်ရာ အကူအညီလိုအပ်ပါကလည်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP) မှ  ကိုအောင်ကြီး၊ ဖုန်း - ၀၉၄၅၁၅၂၉၀၀၀ နှင့် တရားလွှတ်တော်ရှေ့နေ ဒေါ်ခင်သီတာလဲ့လဲ့ထွန်း၊ ဖုန်း -  ၀၉၇၇၄၀၈၁၅၈၅ တို့ကို  ဆက်သွယ်နိုင်ကြောင်းလည်း သိရသည်။

Journal Download

Photo of three cats