သီပေါမြို့နယ်၊ နားမခေါ်ကျေးရွာတွင် နေအိမ်များပေါ်သို့ လက်နက်ကြီးကျည် ကျရောက်ပေါက်ကွဲ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, March 24, 2021

သီပေါမြို့နယ်၊ နားမခေါ်ကျေးရွာတွင် နေအိမ်များပေါ်သို့ လက်နက်ကြီးကျည် ကျရောက်ပေါက်ကွဲ

.

သီပေါမြို့နယ်၊ နားမခေါ်ကျေးရွာတွင် ယနေ့ မတ်လ ၂၄ ရက်၊ နံနက်ပိုင်းက RCSS နှင့် SSPP ရှမ်းလက်နက်ကိုင် တပ်ဖွဲ့ ၂ ခု ပစ်ခတ်မှုများကြောင့် လူနေအိမ်များပေါ်သို့ လက်နက်ကြီးကျည် ၂ လုံး ကျရောက်ပေါက်ကွဲခဲ့ကြောင်း သိရသည်။

.

.

“လက်နက်ကြီးကျတာ လူမထိပေမဲ့ ရွာလူတွေ လွတ်ရာပြေးကြတာ။ မြို့ပေါ် ကိုလာနိုင်ဖို့ စောင့်နေပေမဲ့ မလွယ်ဘူး ဖြစ်နေတယ်” ဟု စစ်ရှောင်များအား ကူညီနေသည့် လူမှုကူညီရေးအသင်းဝင် တစ်ဦးက ​ပြောသည်။

.

လက်နက်ကြီးကျည်သည် နားမခေါ်ကျေးရွာရှိ စိုင်းလိတ်နှင့် အာရိယ နေအိမ်များအပေါ်သို့ကျခဲ့ခြင်းဖြစ်ပြီး လူထိခိုက်မှု မရှိကြောင်း ဒေသခံများထံက သိရသည်။

.

ယမန်နေ့ မတ်လ၂၃ ရက်ကလည်း သီပေါမြို့နယ်၊ ကုန်းဆာကျေးရွာအုပ်စု၊ ဆွန်လုံ၊ ဟတ်လန်၊ ချောင်းဆုံကျေးရွာ များတွင် တိုက်ပွဲဖြစ်ပွားမှုကြောင့် ဒေသခံ ၁၀၀ကျော် သီပေါမြို့ပေါ်ရှိ အောင်မင်္ဂလာ ဘုန်းတော်ကြီးကျောင်းသို့ ထွက်ပြေးတိမ်းရှောင်ခဲ့ရကြောင်း သိရသည်။

.

ယင်းနေ့တွင်ပင် ကျောက်မဲမြို့နယ် တော့ဆန်မြို့၊ ညောင်မောင်းကျေးရွာဝန်းကျင်၌ SSPPTNLA အဖွဲ့နှင့် RCSS တိုက်ပွဲ​ဖြစ်ပွားမှုကြောင့် အရပ်သားနေအိမ်ပေါ် လက်နက်ကြီးကျကာ အမျိုးသား တစ်ဦး သေဆုံးပြီး အမျိုးသမီး ၃ ဦး ကျည်ထိမှန်ခဲ့ကြောင်း သိရသည်။

.

အလားတူ၊ပလောင်ကိုယ်ပိုင်အုပ်ချုပ်ခွင့်ရဒေသ နမ့်ဆန်မြို့နယ်၊ နမ့်တွေကျေးရွာအုပ်စု၊ မာမို့ကျေးရွာတွင် မတ်လ ၂၃ ရက် နံနက်ပိုင်းက TNLA နှင့် RCSS တို့အကြား တိုက်ပွဲပြင်းထန်စွာဖြစ်ပွားမှုကြောင့် ဘုန်းတော်ကြီးကျောင်း ထိမှန်ပြီး မီးလောင်ပျက်စီးခဲ့ကြောင်းသိရသည်။

.

No comments:

Post a Comment

Journal Download

Photo of three cats