တာချီလိတ် အခြေစိုက်သမား ၂ ဦးအား ဖမ်းရန် စစ်ကောင်စီက ထိုင်းကို အကူအညီ တောင်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, March 26, 2021

တာချီလိတ် အခြေစိုက်သမား ၂ ဦးအား ဖမ်းရန် စစ်ကောင်စီက ထိုင်းကို အကူအညီ တောင်း

မြန်မာ-ထိုင်း နယ်စပ်မြို့ ဖြစ်သည့် တာချီလိတ်မြို့ အခြေစိုက် သတင်းဌာန ၂ ခုမှ သတင်းမီဒီယာသမားများအား ဖမ်းဆီးရန်အတွက် စစ်ကောင်စီက ထိုင်းနိုင်ငံဘက်ကို တောင်းဆိုထားကြောင်း သိရသည်။
.

တာချီလိတ်အခြေစိုက် Tachileik News Agency သတင်းဌာန တည်ထောင်သူ ကိုဇောင်း နှင့် မှုခင်းရှု့ထောင့်မှ ကိုရွှေဝင်း တို့ကို စစ်ကောင်စီက တရားခံပြေး၊ ဖမ်းဝရမ်း ထုတ်ထားပြီး၊ ထိုင်းနိုင်ငံဘက်တွင် သွားရောက် ခိုလှုံနေပါက ဖမ်းဆီးပြီး မြန်မာနိုင်ငံသို့ ပြန်လည် လွှဲပြောင်းပေးရန် ထိုင်းနိုင်ငံ၊ မယ်ဆိုင်မြို့နယ် အဆင့် နယ်ခြားကော်မတီ ဥက္ကဌထံ စာပို့ခဲ့ခြင်း ဖြစ်ကြောင်း သိရသည်။
.
ထို့အပြင် ယနေ့ မတ်လ ၂၆ ရက်က ပြုလုပ်သည့် ထိုင်း-မြန်မာ နယ်ခြားကော်မတီ (TBC) အစည်းအဝေးတွင်လည်း ယင်းသတင်းသမား ၂ ဦးကို ဖမ်းဆီးပြီး မြန်မာပြည်ဘက်သို့ ပြန်လည် လွှဲပေးပါက ဆုကြေးငွေ ထုတ်ပေးမည် ဖြစ်‌ပြီး၊ သတင်းသမားများ၏ ဓာတ်ပုံ၊ ကိုယ်ရေးအချက်အလက်ကို ထိုင်းနိုင်ငံသို့ ပေးပို့၍ တောင်းဆိုခဲ့ကြောင်း သိရသည်။
.
Tachileik News Agency မှ ကိုဇောင်းအား ပုဒ်မ ၅၀၅(ခ) ဖြင့်လည်းကောင်း၊ MeKong News သတင်းဌာနမှ အယ်ဒီတာ ကိုဉာဏ်လင်းထက်နှင့် မှုခင်းရှုထောင့်မှ ကိုရွှေဝင်းတို့အား ပုဒ်မ ၅၀၅ (က)ဖြင့်လည်း‌ကောင်း အမှု ဖွင့်ထားပြီး ဖမ်းဆီး ရမိရေး လိုက်လံ ရှာဖွေမှုများ ပြုလုပ်နေ‌ခြင်း ဖြစ်သည်။
.
လက်ရှိတွင် ရှမ်းပြည်နယ် အခြေစိုက် သတင်းဌာနများအနက် ကမ္ဘောဇတိုင်း သတင်းဌာနမှ တာဝန်ခံအယ်ဒီတာ နန်းနန်းတိုင်း၊ သတင်းထောက် နန်းဝင်းရီ၊ ထုတ်ဝေသူ ဦးတင်အောင်ကျော်နှင့် နေအိမ်အစောင့် အဖြစ် နေထိုင်ပေးနေသူ စိုင်းစည်သူ (ထိန်းသိမ်းထားသည့် အကြောင်းအရင်းကို မသိရသေး) တို့ကို မတ်လ ၂၄ ရက်၊ ညပိုင်းက ဖမ်းဆီး၍ တောင်လေးလုံးထောင်တွင် ထိန်းသိမ်းထားပြီး ပုဒ်မ ၅၀၅(က)ဖြင့် အမှုဖွင့်ထားသည်။

No comments:

Post a Comment

Journal Download

Photo of three cats