ဟဲဟိုးလေဆိပ်ဝင်းအတွင်း မီးလောင်မှုဖြစ်ပွား - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ဟဲဟိုးလေဆိပ်ဝင်းအတွင်း မီးလောင်မှုဖြစ်ပွား

ကမ္ဘောဇတိုင်း

.

ကလောမြို့နယ်၊ ဟဲဟိုးမြို့ရှိ ဟဲဟိုးလေဆိပ်ဝင်းအတွင်း ယနေ့ မတ်လ ၄ ရက်၊ ညနေပိုင်းက မီးလောင်မှု ဖြစ်ပွား ခဲ့ကြောင်း သိရသည်။

.

.

မီးမှာ ညနေ ၂ နာရီ ၂၀ မိနစ်ခန့်က ဟဲဟိုးလေဆိပ်၏ အနောက်ဘက် ခြံစည်းရိုးအပြင်ရှိ ကျေးရွာသုသာန်မှ စတင် လောင်ကျွမ်းခြင်းဖြစ်ပြီး ညနေ ၅ နာရီခန့်တွင် မီးအား ငြှိမ်းသတ်နိုင်ခဲ့ကာ မီးလောင်မှုကြောင့် မီးသတ် တပ်ဖွဲ့မှ စီးနင်းမောင်းနှင်လာသည့် အိမ်စီးမော်‌တော်ယာဉ်တစ်စီး မီးလောင်ပျက်စီးခဲ့ကြောင်း သိရသည်။

.

ညနေ ၂ နာရီ ၂၀ မိနစ်မှာ စလောင်ပါတယ်။ လေဆိပ်အနေနဲ့ အဆောက်အဦး၊ ပစ္စည်းတွေ ဆုံးရှုံးနစ်နာမှု ဘာမှ မရှိဘူးလို့ သိရပါတယ်။ မီးသတ်တပ်ဖွဲ့က စီးလာတဲ့ Mark-II ကားတစ်စီးကတော့ မီးထဲ ပါသွားတယ်လို့ ပြောပါတယ်။ လေယာဉ်ပြေးလမ်း၊ အဆောက်အဦ၊ ဌာန အားလုံး လွတ်ပါတယ်” ဟု ဟဲဟိုးမြို့နေသူတစ်ဦး ကမ္ဘောဇတိုင်းသို့ ပြောသည်။

.

လေယာဉ်ကွင်းအနီးဝန်းကျင်ရှိ မြက်များအား မြတ်ရိတ်စက်ဖြင့် ဖြတ်ပြီးနောက် မသိမ်းဆည်းရသေးသည့်အတွက် ယင်း မြက်ခြောက်များမှ မီးလောင်ကျွမ်းခြင်းဖြစ်ကြောင်း သိရသည်။

.

Photo - Khine Twaltar Ye Tun

.

Journal Download

Photo of three cats