ပြင်းထန်သည့် ဒဏ်ခတ်အရေးယူမှုများ ဆောင်ရွက်ရန် အချိန်ကျရောက်ပြီ ဖြစ်ကြောင်း မြန်မာနိုင်ငံ လူ့အခွင့်အရေး ဆိုင်ရာ အထူးအစီရင်ခံစာ တင်သွင်းသူ ပြောကြား - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ပြင်းထန်သည့် ဒဏ်ခတ်အရေးယူမှုများ ဆောင်ရွက်ရန် အချိန်ကျရောက်ပြီ ဖြစ်ကြောင်း မြန်မာနိုင်ငံ လူ့အခွင့်အရေး ဆိုင်ရာ အထူးအစီရင်ခံစာ တင်သွင်းသူ ပြောကြား

.

မြန်မာအာဏာသိမ်းစစ်ကောင်စီအပေါ် ပြင်းထန်သည့် ဒဏ်ခတ်အရေးယူမှုများ ဆောင်ရွက်ရန် အချိန်ကျရောက်ပြီ ဖြစ်ကြောင်း မြန်မာနိုင်ငံ လူ့အခွင့်အရေးဆိုင်ရာ အထူးအစီရင်ခံစာ တင်သွင်းသူ Tom Andrews က တိုက်တွန်း ပြောဆိုခဲ့သည်ဟု သိရသည်။

.

.

Tom Andrews က မတ်လ ၁၂ ရက် တွင် ကုလသမဂ္ဂလူ့အခွင့်အရေးကောင်စီသို့ မိန့်ခွန်းပြောကြားခဲ့ပြီးနောက် ယနေ့တွင် ၎င်း၏တွစ်တာ စာမျက်နှာမှတစ်ဆင့် ကုလအဖွဲ့ဝင်နိုင်ငံများ စစ်ကောင်စီအပေါ် ပြင်းထန်သော ဒဏ်ခတ်အရေးယူမှု စံချိန်သစ်တင်ရန် ထပ်မံတိုက်တွန်းခဲ့ခြင်းဖြစ်သည်။

.

မြန်မာပြည်သူများ၏ လုပ်ဆောင်မှုများမှာ ကမ္ဘာတစ်ဝန်းမှ ချီးကျူးအားကျဖွယ်ဖြစ်သော်လည်း စစ်ကောင်စီ၏ ပြောကြားချက်များနှင့် လုပ်ဆောင်ချက်များမှာ စိတ်ညစ်ညူးဖွယ်ကောင်းနေသည်ဟု Tom Andrews က ဆိုသည်။

.

မြန်မာစစ်ကောင်စီက ကုလသမဂ္ဂလူ့အခွင့်အရေးကောင်စီမှတစ်ဆင့် နိုင်ငံတကာအသိုက်အဝန်းသို့ တင်ပြချက်များမှာ မျက်နှာပြောင်တိုက်ကာ စိတ်ပျက်ဖွယ်ရာဖြစ်သည်ဟု Tom Adrews က ကောင်စီ၌ ပြောကြားခဲ့သည်။

.

အာဏာသိမ်းစစ်ကောင်စီကိုယ်စားလှယ်က “အာဏာပိုင်များသည် အကြမ်းဖက်သော ဆန္ဒပြမှုများအား အင်အား မသုံးရန် အစွမ်းကုန် ထိန်းချုပ်နေပါသည်” ဟု ကုလသမဂ္ဂလူ့အခွင့်အရေးကောင်စီတွင် ပြောကြားခဲ့ခြင်းဖြစ်သည်။

.

ငြိမ်းချမ်းသော၊ မဆုတ်မနစ်သော ဇွဲဖြင့် ပြည်သူသန်းပေါင်းများစွာ တွန်းလှန်နေမှုသည် ၎င်းတို့ နိုင်ငံ ကာကွယ်ရန် အတွက်၊ ၎င်းတို့၏ကလေးသူငယ်များအနာဂတ်များအတွက်ပင်ဖြစ်သည်” ဟု Tom Andrews က မတ်လ ၁၂ ရက်တွင် ကောင်စီသို့ ပြောကြားခဲ့သည်။

.

ထို့အပြင် မြန်မာနိုင်ငံတွင် တရားမျှတမှုရှိရေး၊ တာဝန်ယူရေး၊ အကြမ်းဖက်ခြိမ်းခြောက်ခြင်းမှ ကင်းလွတ်နိုင်ရေး၊ လူ့အခွင့်အရေးများရရှိစေရေး စသည်တို့အတွက် နိုင်ငံတကာအသိုက်အဝန်းနှင့် ကုလသမဂ္ဂအဖွဲ့ဝင်နိုင်ငံအားလုံးက လက်တွေ့လုပ်ဆောင်ရန်နှင့် ထိုသို့ဆောင်ရွက်ရာတွင် နိုင်ငံပေါင်းများစွာ၊ နိုင်ငံတကာမှ လူထု၏ညီညွတ်မှု၊ မြန်ဆန်ထိရောက်မှုရှိသော လုပ်ထုံးလုပ်နည်း အသစ်များနှင့်လုပ်ဆောင်ရမည်ဟု အထူးအစီရင်ခံစာတင်သွင်းသူက တိုက်တွန်းခဲ့သည်။

.

Journal Download

Photo of three cats