ပြင်သစ်အစိုးရ ရှယ်ယာအများစုပိုင် ရွှေလီ အမှတ် (၃) ရေအားလျှပ်စစ်စီမံကိန်း ရပ်ဆိုင်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, March 20, 2021

ပြင်သစ်အစိုးရ ရှယ်ယာအများစုပိုင် ရွှေလီ အမှတ် (၃) ရေအားလျှပ်စစ်စီမံကိန်း ရပ်ဆိုင်း

.

မိုးမိတ်မြို့နယ်အတွင်း ဆောင်ရွက်နေသည့် ပြင်သစ်အစိုးရ ရှယ်ယာ အများစုပိုင် ရွှေလီ အမှတ် (၃) ရေအားလျှပ်စစ် စီမံကိန်းကို ရပ်ဆိုင်းကြောင်း Electriciti de France-EDF ကုမ္ပဏီက မတ်လ ၁၉ ရက်တွင် ထုတ်ပြန်ကြေညာခဲ့ သည်ဟု သိရသည်။

.




.

စစ်အာဏာသိမ်းခြင်း၊ လူသားမျိုးနွယ်အပေါ် ရာဇ၀တ်မှုများကျူးလွန်ခြင်း၊ လူ့အခွင့်အရေးချိုးဖောက်မှုများအပါအ၀င် စစ်တပ်မှ ရာဇ၀တ်မှုများ ကျူးလွန်ခြင်းတို့ကြောင့် စီမံကိန်းရပ်ဆိုင်းလိုက်ခြင်း ဖြစ်ကြောင်း အဆိုပါ ထုတ်ပြန်ချက်တွင် ဖော်ပြပါရှိသည်။

.

Electriciti de France-EDF ကုမ္ပဏီမှာ ပြင်သစ်အစိုးရက ရှယ်ယာအများစုပိုင်ဆိုင်ကာ အမေရိကန် ဒေါ်လာ ၁ ဒသမ ၅၁ ဘီလီယံတန်ဖိုးရှိပြီး ရွှေလီအမှတ် (၃) ရေအားလျှပ်စစ် ရေကာတာ စီမံကိန်းကို ဂျပန်ကုမ္ပဏီ မာရူဘီနီနှင့် မြန်မာနိုင်ငံမှ ခရိုနီ ဧရာဟင်္သာ ကုမ္ပဏီတို့ ပူးပေါင်းပါဝင်မှုဖြင့် လုပ်ဆောင်နေခြင်းဖြစ်ကာ စီမံကိန်းမှ လျှပ်စစ်ဓါတ်အား ၆၇၁ မဂ္ဂါဝပ် ထွက်ရှိမည် ဖြစ်ကြောင်း သိရသည်။

.

ယင်း စီမံကိန်း ရပ်ဆိုင်းမှုကို Justic For Myanmar နှင့် Info Birmanle  တို့ က ကြိုဆိုကြောင်း ကြေညာ ချက်ထုတ်ပြန်ခဲ့သည်။

.

ထုတ်ပြန်ချက်တွင် ရွှေလီအမှတ် (၃) ရေအားလျှပ်စစ် ရေကာတာ စီမံကိန်းအား မည်သည့်အခါမျှ မပြုလုပ် သင့်ကြောင်းနှင့် ဒေသခံများက ဆန့်ကျင်နေခဲ့သည့် စီမံကိန်းများဖြစ်ကြောင်း ဖော်ပြထားသည်။

.

 

No comments:

Post a Comment

Journal Download

Photo of three cats