တောင်ကြီး၌ အကြမ်းဖက် ဖြိုခွဲခံရ​သော်လည်း ဆန္ဒပြမှုများကို ဆက်လက် ပြုလုပ်​နေ

ကမ္ဘောဇတိုင်း

.

မြို့တော်တောင်ကြီးတွင် စစ်အာဏာရှင်ဆန့်ကျင်ရေး ဆန္ဒပြမှုများကို ယနေ့ မတ်လ ၂ ရက်တွင် ရဲနှင့် စစ်တပ်မှ အကြမ်းဖက် လိုက်လံဖြိုခွင်းနေသော်လည်း ဆန္ဒပြမှုများကို မြို့ပေါ်ရှိ နေရာအနှံ့တွင် အစုအဖွဲ့အလိုက် သီးခြားစီ ဆက်လက်လုပ်ဆောင်နေလျက်ရှိကြောင်း သိရသည်။

.

.

ထိုသို့ စစ်အာဏာရှင်ဆန့်ကျင်ဆန္ဒပြမှုများကို လူငယ်များမှ အကြမ်းမဖက် ငြိမ်းချမ်းစွာ ဆန္ဒထုတ်ဖော်မှုကို ၅၅ လက်မောင်း တံ​ဆိပ်ပါ စစ်သားများနှင့် ရဲတပ်ဖွဲ့ဝင်များက ဖြိုခွဲ​နေခြင်း ဖြစ်သည်။

.

စစ်တပ်နှင့်ရဲတပ်ဖွဲ့က ဆန္ဒထုတ်ဖော်သူများအား ယနေ့နံနက်ပိုင်းက အမှတ် (၅) ဈေးအနီး၊ ယက္ကန်းကျောင်းလမ်းဆုံ အနီး၊ မြင်းစီးရုပ်အနီး စသည့်နေရာများတွင် မျက်ရည်ယိုဗုံးများ၊ အသံမိုင်းများပစ်ဖောက်ခြင်း၊ သေနတ်ပစ်ဖောက်ခြင်း ဖြင့် အကြမ်းဖက်ဖြိုခွင်းနေခြင်းဖြစ်ကြောင်း သိရသည်။

.

ယနေ့ အကြမ်းဖက်ဖြိုခွင်းမှုနှင့် ပတ်သက်၍ ထိခိုက်ဒဏ်ရာရရှိမှုနှင့် ဖမ်းဆီးခံရမှု အခြေအနေများကို မသိရှိရသေးချေ။

.

[ထိခိုက်ဒဏ်ရာ ရရှိသူများ၊ ဖမ်းဆီး ခံရသူများ ရှိပါက အတည်ပြုနိုင်ရန်အတွက် ဆက်သွယ်​ပေးကြပါရန် ​မေတ္တာရပ်ခံပါသည်။]

.